Itti aǵashqa bailap, tiridei órtep jibergen belgisiz er adamdardyń videosyn pavlodarlyq politseiler tekserip jatyr, - dep habarlaidy Tengrinews.kz.
Videodaǵy adamdardyń qatygezdigi Qaznet qoldanýshylaryn shoshytty. Bir minýttyq rolikten itti qalai jalyn sharpyp, azaptanyp jatqanyn kórýge bolady. Úi janýary qashyp ketpeýi úshin ony aǵashqa bailap, órtegen. Kadrlarda er adamnyń kóleńkesi kórinedi, ol otqa birneshe ret qandai da bir suiyqtyq shashady. Taǵy eki er adamnyń daýsy estiledi. Olar kamerany janýar ólgenshe óshirmeidi.
Jantúrshigerlik kadrlar júktelgen topta bylai jazylǵan: "Videony qaramaýǵa keńes beremiz. Biz ony qatty qysqarttyq..."
Video elimizdiń qai aimaǵynda túsirilgeni belgisiz, biraq Pavlodar politsiiasy ol boiynsha tekserý júrgizip jatyr.
"Bul video pavlodarlyq toptarda jariialanǵandyqtan, derek Pavlodar politsiia basqarmasynda tirkeldi. Tekserý júrip jatyr. Osy derek jaily nemese onyń qaida bolǵanyn biletin adamdardan politsiiaǵa habarlasýdy nemese osynda pikir jazýdy suraimyz", - dedi Pavlodar oblysy politsiia departamentiniń baspasóz qyzmeti ókili.
