يتتٸ اعاشقا بايلاپ, تٸرٸدەي ٶرتەپ جٸبەرگەن بەلگٸسٸز ەر ادامداردىڭ ۆيدەوسىن پاۆلودارلىق پوليتسەيلەر تەكسەرٸپ جاتىر, - دەپ حابارلايدى Tengrinews.kz.
ۆيدەوداعى ادامداردىڭ قاتىگەزدٸگٸ قازنەت قولدانۋشىلارىن شوشىتتى. بٸر مينۋتتىق روليكتەن يتتٸ قالاي جالىن شارپىپ, ازاپتانىپ جاتقانىن كٶرۋگە بولادى. ٷي جانۋارى قاشىپ كەتپەۋٸ ٷشٸن ونى اعاشقا بايلاپ, ٶرتەگەن. كادرلاردا ەر ادامنىڭ كٶلەڭكەسٸ كٶرٸنەدٸ, ول وتقا بٸرنەشە رەت قانداي دا بٸر سۇيىقتىق شاشادى. تاعى ەكٸ ەر ادامنىڭ داۋسى ەستٸلەدٸ. ولار كامەرانى جانۋار ٶلگەنشە ٶشٸرمەيدٸ.
جانتٷرشٸگەرلٸك كادرلار جٷكتەلگەن توپتا بىلاي جازىلعان: "ۆيدەونى قاراماۋعا كەڭەس بەرەمٸز. بٸز ونى قاتتى قىسقارتتىق..."
ۆيدەو ەلٸمٸزدٸڭ قاي ايماعىندا تٷسٸرٸلگەنٸ بەلگٸسٸز, بٸراق پاۆلودار پوليتسيياسى ول بويىنشا تەكسەرۋ جٷرگٸزٸپ جاتىر.
"بۇل ۆيدەو پاۆلودارلىق توپتاردا جارييالانعاندىقتان, دەرەك پاۆلودار پوليتسييا باسقارماسىندا تٸركەلدٸ. تەكسەرۋ جٷرٸپ جاتىر. وسى دەرەك جايلى نەمەسە ونىڭ قايدا بولعانىن بٸلەتٸن ادامداردان پوليتسيياعا حابارلاسۋدى نەمەسە وسىندا پٸكٸر جازۋدى سۇرايمىز", - دەدٸ پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ.
