Pavlodar oblysyna ońtústikten esirtki tasyǵan qylmystyq topqa qatysty sot úkimi shyqty, dep habarlaidy Pavlodarnews.kz.
Oblystyq politsiia departamenti baspasóz qyzmetiniń málimeti boiynsha, uiymdasqan qylmystyq toptyń músheleri esirtki saýdasymen ainalysqany úshin túrli merzimge bas bostandyǵynan aiyrylǵan.
- Buryn sottalǵan 64 jastaǵy pavlodarlyq 2019 jyldyń shildesinde segiz adamnan turatyn qylmystyq top qurǵan. Onyń beseýi - uiymdastyrýshynyń týystary. Top elimizdiń ońtústik óńirlerinen Pavlodarǵa esirtki jetkizýdi uiymdastyrǵan. Jedel ýákilder olardy kezekti partiiany satýǵa áreket jasaǵan kezde ustady. Uiymdasqan qylmystyq top múshelerinen 200 keli marihýana, asa iri mólsherdegi gashish jáne geroin, sondai-aq «Braýning» markaly atys qarýy tárkilendi, - dedi Pavlodar oblysy politsiia departamentiniń esirtki qylmysyna qarsy is-qimyl basqarmasynyń bastyǵy Qýat Túsipbekov.
Politsiia barlyq segiz adamnyń asa iri kólemde esirtki satqany, uiymdasqan qylmystyq topty qurǵany jáne oǵan qatysqany, sondai-aq atys qarýyn saqtaǵany úshin sot úkimimen 16-18 jylǵa bas bostandyǵynan aiyrylǵanyn atap ótti.
