Biylǵy qyrkúiekte Astanada ótetin 5-shi Dúniejúzilik kóshpendiler oiyndary aiasynda 3 tamyzda Pavlodarda báige jarysynan qatysýshalardyń birinshi irikteýi ótedi.
Júlde qory 24 900 000 teńgeni quraityn jarys qunan báige, top báige, alaman báige men jorǵa jarys siiaqty 4 túr boiynsha ótedi. Shara seriktesteri Báige federatsiiasy respýblikalyq qoǵamdyq birlestigi, Palodar oblysynyń ákimdigi, Ulttyq sport qaýymdastyǵy.
"Qazir báigeden Qazaqstan komandasyn jasaqtaý protsesi júrip jatyr. 3 jáne 11 tamyzda Pavlodar men Almaty qalalarynda irikteý ótedi. Solardyń nátijesi boiynsha 5-shi Dúniejúzilik kóshpendiler oiyndarynyń báige jarysyna Qazaqstannan qatysatyn jylqylar anyqtalady. Astanadaǵy Kóshpendiler oiyndarynyń báige jarysyna shamamen 10 eldiń ókilderi qatysady dep kútilip otyr. Olardyń qatarynda Mońǵoliia, Qyrǵyzstan, Ózbekstan, Tájikstan, Ázerbaijan, Resei Federatsiiasy men basqalar bar", - dedi «Báige federatsiiasy» RQB vitse-prezidenti Jomart Saibolatov.
Eske salsaq, respýblikalyq báige federatsiiasy Ulttyq sport qaýymdastyǵynyń quramyna kiredi. Sonymen qatar Qaýymdastyq quramynda kókpar, aýdaryspaq, sadaq atý, jamby atý, teńge ilý, qusbegilik, asyq atý, «JORYQ» jáne t.b. federatsiialar bar. Qaýymdastyqty belgili kásipker, metsenat, Altyn Qyran Foundation qoǵamdyq qory qamqorshylyq keńesiniń tóraǵasy Islambek Saljanov basqarady.
Ippodrom mekenjaiy: Pavlodar qalasy, Soltústik óndiristik aimaq, 45
Ótkizý ýaqyty: 3 tamyz, saǵat 15.00.
