بيىلعى قىركٷيەكتە استانادا ٶتەتٸن 5-شٸ دٷنيەجٷزٸلٸك كٶشپەندٸلەر ويىندارى اياسىندا 3 تامىزدا پاۆلوداردا بەيگە جارىسىنان قاتىسۋشالاردىڭ بٸرٸنشٸ ٸرٸكتەۋٸ ٶتەدٸ.
جٷلدە قورى 24 900 000 تەڭگەنٸ قۇرايتىن جارىس قۇنان بەيگە, توپ بەيگە, الامان بەيگە مەن جورعا جارىس سيياقتى 4 تٷر بويىنشا ٶتەدٸ. شارا سەرٸكتەستەرٸ بەيگە فەدەراتسيياسى رەسپۋبليكالىق قوعامدىق بٸرلەستٸگٸ, پالودار وبلىسىنىڭ ەكٸمدٸگٸ, ۇلتتىق سپورت قاۋىمداستىعى.
"قازٸر بەيگەدەن قازاقستان كومانداسىن جاساقتاۋ پروتسەسٸ جٷرٸپ جاتىر. 3 جەنە 11 تامىزدا پاۆلودار مەن الماتى قالالارىندا ٸرٸكتەۋ ٶتەدٸ. سولاردىڭ نەتيجەسٸ بويىنشا 5-شٸ دٷنيەجٷزٸلٸك كٶشپەندٸلەر ويىندارىنىڭ بەيگە جارىسىنا قازاقستاننان قاتىساتىن جىلقىلار انىقتالادى. استاناداعى كٶشپەندٸلەر ويىندارىنىڭ بەيگە جارىسىنا شامامەن 10 ەلدٸڭ ٶكٸلدەرٸ قاتىسادى دەپ كٷتٸلٸپ وتىر. ولاردىڭ قاتارىندا موڭعولييا, قىرعىزستان, ٶزبەكستان, تەجٸكستان, ەزەربايجان, رەسەي فەدەراتسيياسى مەن باسقالار بار", - دەدٸ «بەيگە فەدەراتسيياسى» رقب ۆيتسە-پرەزيدەنتٸ جومارت سايبولاتوۆ.
ەسكە سالساق, رەسپۋبليكالىق بەيگە فەدەراتسيياسى ۇلتتىق سپورت قاۋىمداستىعىنىڭ قۇرامىنا كٸرەدٸ. سونىمەن قاتار قاۋىمداستىق قۇرامىندا كٶكپار, اۋدارىسپاق, ساداق اتۋ, جامبى اتۋ, تەڭگە ٸلۋ, قۇسبەگٸلٸك, اسىق اتۋ, «JORYQ» جەنە ت.ب. فەدەراتسييالار بار. قاۋىمداستىقتى بەلگٸلٸ كەسٸپكەر, مەتسەنات, Altyn Qyran Foundation قوعامدىق قورى قامقورشىلىق كەڭەسٸنٸڭ تٶراعاسى يسلامبەك سالجانوۆ باسقارادى.
يپپودروم مەكەنجايى: پاۆلودار قالاسى, سولتٷستٸك ٶندٸرٸستٸك ايماق, 45
ٶتكٸزۋ ۋاقىتى: 3 تامىز, ساعات 15.00.
