Pavlodarda áiel jańa týǵan qyzyn satqany úshin sottaldy. Ol balasyn 800 myń teńgege satýǵa keliskenimen, keiin «satyp alýshydan» 100 myń teńge alǵan, dep habarlady prokýratýra, dep habarlaidy ult.kz.
Tergeý málimetinshe, 2002 jyly týǵan Túrkistan oblysynyń týmasy materialdyq qiyndyqtarǵa bailanysty bolashaq balasyn satýdy sheshken. Júkti áiel «VKontakte» áleýmettik jelisine habarlandyrý jariialap, qyz balany 800 myń teńgege satýǵa kelisim jasaǵan.
28 naýryzda áiel Pavlodar oblystyq perinataldyq ortalyǵynda deni saý qyz balany dúniege ákelgen. Sol kezde quqyq qorǵaý organdary jedel is-sharalar júrgizip jatqan.
31 naýryzda áiel jańa týǵan náresteni meditsinalyq qujattarymen birge «satyp alýshyǵa» berip, 100 myń teńge alǵan. Aqshany quqyq qorǵaý organdary aldyn ala daiyndaǵan. Osydan keiin áiel ustaldy.
Sot áieldi kámeletke tolmaǵandardy saýdalaǵany úshin kináli dep tanyp, bes jylǵa bas bostandyǵynan aiyrý jazasyn taǵaiyndady. Alaida jazany oryndaý bes jylǵa keiinge qaldyryldy.
