Foto: © Sputnik / Abzal Kaliev
Pavlodarlyq politseiler 52 mln teńge shyǵyn kelgen eki alaiaqtyq faktisin ashty, dep habarlaidy "Ult aqparat" IIM Telegram-arnasyna silteme jasap.
"Isker azamat" Ýspen aýdanynyń turǵynyna kúnbaǵys tuqymyn jetkizip beremin dep 28 mln teńge aldap alǵan. Al keiinnen ol RF Barnaýl qalasyndaǵy úkimettik emes uiymdardyń biriniń bidaiyn iemdengen. Jalpy shyǵyn kólemi 24 mln teńgeden asty.
"Jedel ýákilder atalǵan jáittarǵa qatysy bar Pavlodar qalasynyń 40 jastaǵy turǵynyn ustady. Oblysta osyǵan uqsas jeti epizod tirkeldi.
Kúdiktige qatysty QR QK-niń 190-baby boiynsha tergeý amaldary júrgizilip jatyr. Er adam ÝUI-ǵa qamaldy" - delingen habarlamada.
