Foto: Polisia.kz
Pavlodarda 11 mln teńge kóleminde aiyppuly bar júrgizýshi anyqtaldy, – dep habarlaidy Polisia.kz.
29 jastaǵy júrgizýshi shamamen 11 mln teńge kóleminde aiyppul tólemegen. Patrýldik politsiia batalonynyń qyzmetkerleri bul júrgizýshini akademik Sátbaev kóshesinde ustady.
"Reid júrgizý kezinde Pavlodarda BMV 745 avtokóligi toqtatyldy. Bazany tekserý kezinde júrgizýshiniń tólenbegen aiyppuldary bar ekendigi anyqtaldy. Bul júrgizýshini sot oryndaýshylary izdep júr. Politseiler júrgizýshige salynǵan ákimshilik aiyppuldardy ýaqytyly óteý týraly túsindirdi", – deidi Pavlodar oblysy PD bastyǵynyń birinshi orynbasary Jasqairat Qaiyrov.
Politsiia 4-14 jeltoqsan aralyǵynda “Jazanyń bultartpastyǵy” qaǵidatyn oryndaý maqsatynda Pavlodar oblysynyń aýmaǵynda “Boryshker” jedel-profilaktikalyq is-sharasy ótkizilip jatqanyn atap ótti.
"Kórsetilgen kezeńde tólenbegen aiyppuldar boiynsha 254 boryshkermen túsindirý suhbaty ótkizildi, árqaisysyna jaýapkershilik týraly eskertildi. Olar qazirdiń ózinde 6 mln teńgeden astam qaryzyn tóledi.
Qorǵaý men Kiber – sheriftiń beinetirkeý júielerimen 149 sáikestik tirkeldi, avtokólikter arnaiy aiyppul turaqtaryna qoiyldy. Júrgizýshiler óz aiyppuldaryn ótegennen keiin ǵana kólikterin ala alady" - delingen habarlamada.
