فوتو: Polisia.kz
پاۆلوداردا 11 ملن تەڭگە كٶلەمٸندە ايىپپۇلى بار جٷرگٸزۋشٸ انىقتالدى, – دەپ حابارلايدى Polisia.kz.
29 جاستاعى جٷرگٸزۋشٸ شامامەن 11 ملن تەڭگە كٶلەمٸندە ايىپپۇل تٶلەمەگەن. پاترۋلدٸك پوليتسييا باتالونىنىڭ قىزمەتكەرلەرٸ بۇل جٷرگٸزۋشٸنٸ اكادەميك سەتباەۆ كٶشەسٸندە ۇستادى.
"رەيد جٷرگٸزۋ كەزٸندە پاۆلوداردا بمۆ 745 اۆتوكٶلٸگٸ توقتاتىلدى. بازانى تەكسەرۋ كەزٸندە جٷرگٸزۋشٸنٸڭ تٶلەنبەگەن ايىپپۇلدارى بار ەكەندٸگٸ انىقتالدى. بۇل جٷرگٸزۋشٸنٸ سوت ورىنداۋشىلارى ٸزدەپ جٷر. پوليتسەيلەر جٷرگٸزۋشٸگە سالىنعان ەكٸمشٸلٸك ايىپپۇلداردى ۋاقىتىلى ٶتەۋ تۋرالى تٷسٸندٸردٸ", – دەيدٸ پاۆلودار وبلىسى پد باستىعىنىڭ بٸرٸنشٸ ورىنباسارى جاسقايرات قايىروۆ.
پوليتسييا 4-14 جەلتوقسان ارالىعىندا “جازانىڭ بۇلتارتپاستىعى” قاعيداتىن ورىنداۋ ماقساتىندا پاۆلودار وبلىسىنىڭ اۋماعىندا “بورىشكەر” جەدەل-پروفيلاكتيكالىق ٸس-شاراسى ٶتكٸزٸلٸپ جاتقانىن اتاپ ٶتتٸ.
"كٶرسەتٸلگەن كەزەڭدە تٶلەنبەگەن ايىپپۇلدار بويىنشا 254 بورىشكەرمەن تٷسٸندٸرۋ سۇحباتى ٶتكٸزٸلدٸ, ەرقايسىسىنا جاۋاپكەرشٸلٸك تۋرالى ەسكەرتٸلدٸ. ولار قازٸردٸڭ ٶزٸندە 6 ملن تەڭگەدەن استام قارىزىن تٶلەدٸ.
قورعاۋ مەن كيبەر – شەريفتٸڭ بەينەتٸركەۋ جٷيەلەرٸمەن 149 سەيكەستٸك تٸركەلدٸ, اۆتوكٶلٸكتەر ارنايى ايىپپۇل تۇراقتارىنا قويىلدى. جٷرگٸزۋشٸلەر ٶز ايىپپۇلدارىن ٶتەگەننەن كەيٸن عانا كٶلٸكتەرٸن الا الادى" - دەلٸنگەن حابارلامادا.
