Foto: ashyq derekkóz
Pavlodar men Ekibastuz qalalarynda jylý jelilerin aldaǵy jylytý maýsymyna daiyndaý úshin Úkimet rezervinen shamamen 3,8 milliard teńge bólindi, dep habarlaidy Ult.kz.
Bul sheshim Memleket basshysy Qasym-Jomart Toqaevtyń energetika jáne kommýnaldyq sektorlardy jańǵyrtý jónindegi tapsyrmalaryn oryndaý aiasynda qabyldandy. Tiisti Qaýlyǵa Premer-ministr Oljas Bektenov qol qoidy.
Bólingen qarajattyń negizgi bóligi – shamamen 3 milliard teńge – Ekibastuz qalasyndaǵy jylý jelilerin jańǵyrtýǵa baǵyttalady. Atap aitqanda, Ortalyq jylý taratý pýnktinen 1,4 shaqyrym jerdegi eldi mekenge deiingi TM-I jáne TM-III magistraldaryn jóndeý josparlanǵan. Al Pavlodar qalasyna 802 million teńge Kamzin kóshesi boiyndaǵy TM-13 jylý magistralin salyp bitirýge bólindi. Bul joba Pavlov – Shevchenko – Kataev kóshelerindegi turǵyn úilerdi jylýmen qamtamasyz etýge arnalǵan.
Jalpy shyǵyn kólemi 5,8 milliard teńgeni quraidy. Onyń ishinde 3,8 milliard teńgesi Úkimet rezervinen, qalǵan 2 milliard teńgesi oblystyq biýdjet esebinen qarjylandyryldy.
2024 jyly bólingen qarajat esebinen uzyndyǵy 9 shaqyrym bolatyn magistraldyq jylý jelilerine jóndeý jumystary júrgizildi. Sonymen qatar, Ekibastuzdaǵy jylý elektr ortalyǵynda qazandyq agregattary jóndelip, tazartylǵan sý qubyry salyndy. Oblystyń ózge de jylý berýshi kásiporyndarynda 2,4 shaqyrym jylý jelisi jańǵyrtyldy. Onyń ishinde 1,7 milliard teńgege 2,1 shaqyrymdyq jeli «Tarifti investitsiiaǵa aiyrbastaý» baǵdarlamasy aiasynda tartyldy.
Júrgizilgen jumystar nátijesinde 2024 jyldyń basynda jelilerdiń tozý deńgeii 79,7 paiyzǵa deiin tómendegen. Bul kórsetkishti odan ári azaitý jáne aldaǵy jylytý maýsymynda tutynýshylardy turaqty jylýmen qamtý úshin jylý jelileriniń jóndeýin der kezinde aiaqtaý mańyzdy.
Sonymen qatar, «Energetikalyq jáne kommýnaldyq sektorlardy jańǵyrtý» ulttyq jobasy sheńberinde Pavlodar qalasynda 9,8 milliard teńgege TM-20a atty jańa jylý magistralin salý josparlanǵan. Bul magistral 1-NO-52 JEO ýchaskesiniń ótkizý qabiletin arttyrýǵa múmkindik beredi. Joba aiasynda respýblikalyq biýdjetten qarjy qarastyrylmaǵan aimaqtyń 30 paiyzyn jylýmen qamtý kózdelip otyr.
