فوتو: اشىق دەرەككٶز
پاۆلودار مەن ەكٸباستۇز قالالارىندا جىلۋ جەلٸلەرٸن الداعى جىلىتۋ ماۋسىمىنا دايىنداۋ ٷشٸن ٷكٸمەت رەزەرۆٸنەن شامامەن 3,8 ميلليارد تەڭگە بٶلٸندٸ, دەپ حابارلايدى Ult.kz.
بۇل شەشٸم مەملەكەت باسشىسى قاسىم-جومارت توقاەۆتىڭ ەنەرگەتيكا جەنە كوممۋنالدىق سەكتورلاردى جاڭعىرتۋ جٶنٸندەگٸ تاپسىرمالارىن ورىنداۋ اياسىندا قابىلداندى. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى.
بٶلٸنگەن قاراجاتتىڭ نەگٸزگٸ بٶلٸگٸ – شامامەن 3 ميلليارد تەڭگە – ەكٸباستۇز قالاسىنداعى جىلۋ جەلٸلەرٸن جاڭعىرتۋعا باعىتتالادى. اتاپ ايتقاندا, ورتالىق جىلۋ تاراتۋ پۋنكتٸنەن 1,4 شاقىرىم جەردەگٸ ەلدٸ مەكەنگە دەيٸنگٸ تم-I جەنە تم-III ماگيسترالدارىن جٶندەۋ جوسپارلانعان. ال پاۆلودار قالاسىنا 802 ميلليون تەڭگە كامزين كٶشەسٸ بويىنداعى تم-13 جىلۋ ماگيسترالٸن سالىپ بٸتٸرۋگە بٶلٸندٸ. بۇل جوبا پاۆلوۆ – شەۆچەنكو – كاتاەۆ كٶشەلەرٸندەگٸ تۇرعىن ٷيلەردٸ جىلۋمەن قامتاماسىز ەتۋگە ارنالعان.
جالپى شىعىن كٶلەمٸ 5,8 ميلليارد تەڭگەنٸ قۇرايدى. ونىڭ ٸشٸندە 3,8 ميلليارد تەڭگەسٸ ٷكٸمەت رەزەرۆٸنەن, قالعان 2 ميلليارد تەڭگەسٸ وبلىستىق بيۋدجەت ەسەبٸنەن قارجىلاندىرىلدى.
2024 جىلى بٶلٸنگەن قاراجات ەسەبٸنەن ۇزىندىعى 9 شاقىرىم بولاتىن ماگيسترالدىق جىلۋ جەلٸلەرٸنە جٶندەۋ جۇمىستارى جٷرگٸزٸلدٸ. سونىمەن قاتار, ەكٸباستۇزداعى جىلۋ ەلەكتر ورتالىعىندا قازاندىق اگرەگاتتارى جٶندەلٸپ, تازارتىلعان سۋ قۇبىرى سالىندى. وبلىستىڭ ٶزگە دە جىلۋ بەرۋشٸ كەسٸپورىندارىندا 2,4 شاقىرىم جىلۋ جەلٸسٸ جاڭعىرتىلدى. ونىڭ ٸشٸندە 1,7 ميلليارد تەڭگەگە 2,1 شاقىرىمدىق جەلٸ «تاريفتٸ ينۆەستيتسيياعا ايىرباستاۋ» باعدارلاماسى اياسىندا تارتىلدى.
جٷرگٸزٸلگەن جۇمىستار نەتيجەسٸندە 2024 جىلدىڭ باسىندا جەلٸلەردٸڭ توزۋ دەڭگەيٸ 79,7 پايىزعا دەيٸن تٶمەندەگەن. بۇل كٶرسەتكٸشتٸ ودان ەرٸ ازايتۋ جەنە الداعى جىلىتۋ ماۋسىمىندا تۇتىنۋشىلاردى تۇراقتى جىلۋمەن قامتۋ ٷشٸن جىلۋ جەلٸلەرٸنٸڭ جٶندەۋٸن دەر كەزٸندە اياقتاۋ ماڭىزدى.
سونىمەن قاتار, «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى شەڭبەرٸندە پاۆلودار قالاسىندا 9,8 ميلليارد تەڭگەگە تم-20ا اتتى جاڭا جىلۋ ماگيسترالٸن سالۋ جوسپارلانعان. بۇل ماگيسترال 1-نو-52 جەو ۋچاسكەسٸنٸڭ ٶتكٸزۋ قابٸلەتٸن ارتتىرۋعا مٷمكٸندٸك بەرەدٸ. جوبا اياسىندا رەسپۋبليكالىق بيۋدجەتتەن قارجى قاراستىرىلماعان ايماقتىڭ 30 پايىزىن جىلۋمەن قامتۋ كٶزدەلٸپ وتىر.
