Foto: elements.envato.com
Pavlodarlyq áiel otbasyn baqytty etý úshin táýipke 119,5 million teńge bergen. Alaiaqtyq faktisi boiynsha qylmystyq is Pavlodardyń 2-nshi sotynda qaraldy, dep habarlady Sputnik Qazaqstan oblystyq sottyń baspasóz qyzmetine silteme jasap.
Sottalýshy áiel boiynda dástúrli emes jolmen emdeitin tylsym kúsh baryna sendirip, 2019 jyldyń naýryzynan 2020 jyldyń tamyz aiy aralyǵynda jábirlenýshiniń 119 million 480 myń teńge aqshasyn iemdenip alǵan. Bul aqshaǵa alaiaq táýip okkýltizm salasynda arnaiy rásimder ótkizip, jábirlenýshiniń otbasyn baqytty, biznesin baqýatty "etken".
Prokýror sottalýshyny bes jylǵa bas bostandyǵynan aiyrýdy surady. Prokýrordyń bul sheshimimen jábirlenýshi de kelisken. Alaida alaiaq táýip óz kinásin moiyndamai, sottan kerisinshe aqtap alýdy ótingen. Mundai qylmys úshin zańda 5 jyldan 10 jylǵa deiin bas bostandyǵynan aiyrý jazasy qarastyrylǵan.
Sot alaiaq táýipti bes jylǵa bas bostandyǵynan aiyrý týraly úkim shyǵardy. Alaida sottalýshynyń buryn sottalmaǵanyn, úsh balasy baryn eskerip, taǵaiyndalǵan jazany 5 jylǵa, iaǵni 2028 jyldyń 9 aqpanyna deiin keiinge qaldyryldy.
Sondai-aq sottalýshydan jábirlenýshiniń paidasyna 119 million 480 myń teńge kólemindegi zalal óndirildi.
Úkim zańdy kúshine engen joq.
