Pavlodar turǵyny qaladaǵy páterlerdiń birinen óli tabyldy. Ol oq jaraqatyn alǵan. Politseiler er adamnyń óliminiń sebepterin anyqtap jatyr, - dep habarlaidy Tengrinews.kz.
Telegram-arnalardyń biriniń málimetinshe, marqum 23 jasta bolǵan. Er adam politseidiń týysy ekeni aitylǵan. Áleýmettik jelilerde marqumnyń basyna oq atylǵany jazylǵan. Jazbaǵa sáikes, oq týysy túski úzilis kezinde ústel ústinde qaldyryp ketken qyzmettik tapanshadan atylǵan.
Pavlodar oblystyq Politsiia departamentiniń baspasóz qyzmeti adam ólimine ákelgen oqiǵanyń mán-jaiy anyqtalyp jatqanyn habarlady.
"Derekke qatysty QR Qylmystyq kodeksiniń 105-baby boiynsha sotaldy tergeý amaldary júrgizilip jatyr. QR Qylmystyq-protsestik kodeksiniń 201-babyna sáikes, sotaldy tergeý amaldary jariia etilmeidi", - dep túsindirdi oblystyq Politsiia departamentiniń baspasóz qyzmeti ókilderi.
