© Sputnik / Abzal Kaliev
Pavlodar oblystyq mamandyrylǵan aýdanaralyq sotynda densaýlyqqa qasaqana aýyr ziian keltirý boiynsha qylmystyq is qaraldy. Jaraqat alǵan er adam dosyn keshirdi, dep habarlaidySputnik Qazaqstansottyń baspasóz qyzmetine silteme jasap.
Tergeý materialdaryna sáikes, byltyr 26 sáýirde Pavlodar qalasynda eki tanys jigit úidiń kireberisinde janjaldasyp qalǵan. Sol kezde 26 jastaǵy er adam tanysyna eki ret pyshaq suqqan. Denesin 14 jerden tilip jibergen. 25 jastaǵy er adam shuǵyl aýrýhanaǵa jetkizildi.
Sotta prokýror jaýapqa tartylǵan qala turǵynyn adam óltirýge oqtalý baby boiynsha kináli dep tanýdy surap, qatań rejimdegi koloniiaǵa 8 jylǵa qamaýǵa usynys jasaǵan. Sottalýshy dosyna aýyr dene jaraqatyn salǵanyn moiyndady. Biraq adam óltiretin oiy bolmaǵanyn aitty.
Al jábirlenýshi onymen burynnan beri tanys ekenin, ózara tatýlasqanyn jáne eshqandai talap-tilek qoimaitynyn jetkizdi. Qatań jazaǵa tartpaýdy ótindi.
Sýdia "adam óltirýge oqtalý bolmady" degen sheshimge keldi. Áitpese, sottalýshy óz oiyn aiaǵyna deiin jetkizetin edi. Biraq olai istemegen. Osyǵan bailanysty onyń qylmysy densaýlyqqa aýyr ziian keltirý baby boiynsha qaraldy. Jazany jeńildetetin jaittar da eskerildi.
Atap aitqanda, sottalýshy óz kinásin moiyndady jáne shyn nietpen ókinetinin jetkizdi. Jazany aýyrlatatyn jaittar tabylmady. Aiyptalýshy QR Táýelsizdiginiń 30 jyldyǵyna arnalǵan raqymshylyqqa da ilinip, jazasynyń úshten bir bóligi qysqartyldy.
Osylaisha, dosyna aýyr jaraqat salǵan er adam 3 jyl 6 aiǵa bas bostandyǵynan aiyryldy. Ol óz jazasyn qaýipsizdigi ortasha deńgeidegi túrmede óteidi. Sot úkimi zańdy kúshine endi.
