Pavlodar oblysynda 12 jastaǵy ulyn jol talǵamaityn kóliktiń rýline otyrǵyzǵan er adam jazaǵa tartyldy, dep habarlaidy "Ult aqparat" Pavlodar oblystyq politsiia departamentiniń Instagram-daǵy akkaýntyna silteme jasap.
Pavlodarlyq pablikterdiń birinde kámelettik jasqa tolmaǵan balanyń kólik júrgizip kele jatqany kórinip turǵan fotosýretter jariialandy. Atalǵan fakti boiynsha Kenjekól aýylyna kólik patrýli jiberildi.
«Fakti rastaldy - Toyota Land Cruiser Prado» markaly kólikti onyń iesiniń 12 jastaǵy balasy júrgizgen. Balanyń ákesi QR Ákimshilik quqyqbuzýshylyqtar týraly kodeksiniń 612-babynyń 5-bólimi (kólikti júrgizý quqyǵy joq tulǵaǵa kólik júrgizgizý) boiynsha ákimshilik jaýapqa tartyldy. Tártip buzýshyǵa 50 AEK kóleminde aiyppul salyndy», - dep habarlady politsiiadan.
