Pavlodar politsiiasy jalǵan vaktsinalaý pasportyn satyp alǵan 200 adamdy izdestirip jatyr. Bul týraly Polisia.kz habarlady.
Jedel-izdestirý sharalaryn júrgizý barysynda Pavlodar oblysynyń politsiiasy mamyrda Pavlodar qalasynyń aýrýhanalarynyń biriniń tórt meditsina qyzmetkeriniń jalǵan vaktsinalaý pasportyn jasaǵanyn anyqtady. Olar elektrondy dereqoryna COVID-19-ǵa qarsy vaktsina salynǵany týraly jalǵan aqparatty engizip, úshinshi tulǵalarǵa satqan. Osyndai 200 jalǵan pasport tárkilendi.
Atalmysh fakti boiynsha Qylmystyq kodekstiń 2-bólimi 385-baby boiynsha sotaldy tergeý júrgizilip jatyr. Sotaldy tergeý barysynda barlyq kerekti jedel tergeý sharalary júrgizildi. Qylmysqa qatysýshylar hat almasyp, bir-birimen habarlasyp otyrǵan uialy telefondar tárkilendi, sonymen qatar meditsina qyzmetkerleriniń jumys ornynda tintý sharalary júrgizildi. Nátijesinde keńse tehnikasy men qujattar tárkilenip, olarǵa sáikes saraptama taǵaiyndaldy.
«Pavlodar oblysynyń politsiiasy jalǵan vaktsinalaý pasportyn satyp alyp, ári qarai qoldanysqa túsirgen adamdardy anyqtap jatyr. Olarǵa qatysty tergeý amaldary júrgizilip, Qylmystyq kodekstiń 3-bólimi 385-baby boiynsha kórineý jalǵan qujatty paidalanǵany úshin qylmystyq jaýapqa tartý týraly másele qarastyrylady», - dep málimdedi Pavlodar oblysy politsiia departamentiniń bastyǵy Nurlan Másimov.
