پاۆلودار پوليتسيياسى جالعان ۆاكتسينالاۋ پاسپورتىن ساتىپ العان 200 ادامدى ٸزدەستٸرٸپ جاتىر. بۇل تۋرالى Polisia.kz حابارلادى.
جەدەل-ٸزدەستٸرۋ شارالارىن جٷرگٸزۋ بارىسىندا پاۆلودار وبلىسىنىڭ پوليتسيياسى مامىردا پاۆلودار قالاسىنىڭ اۋرۋحانالارىنىڭ بٸرٸنٸڭ تٶرت مەديتسينا قىزمەتكەرٸنٸڭ جالعان ۆاكتسينالاۋ پاسپورتىن جاساعانىن انىقتادى. ولار ەلەكتروندى دەرەقورىنا COVID-19-عا قارسى ۆاكتسينا سالىنعانى تۋرالى جالعان اقپاراتتى ەنگٸزٸپ, ٷشٸنشٸ تۇلعالارعا ساتقان. وسىنداي 200 جالعان پاسپورت تەركٸلەندٸ.
اتالمىش فاكتٸ بويىنشا قىلمىستىق كودەكستٸڭ 2-بٶلٸمٸ 385-بابى بويىنشا سوتالدى تەرگەۋ جٷرگٸزٸلٸپ جاتىر. سوتالدى تەرگەۋ بارىسىندا بارلىق كەرەكتٸ جەدەل تەرگەۋ شارالارى جٷرگٸزٸلدٸ. قىلمىسقا قاتىسۋشىلار حات الماسىپ, بٸر-بٸرٸمەن حابارلاسىپ وتىرعان ۇيالى تەلەفوندار تەركٸلەندٸ, سونىمەن قاتار مەديتسينا قىزمەتكەرلەرٸنٸڭ جۇمىس ورنىندا تٸنتۋ شارالارى جٷرگٸزٸلدٸ. نەتيجەسٸندە كەڭسە تەحنيكاسى مەن قۇجاتتار تەركٸلەنٸپ, ولارعا سەيكەس ساراپتاما تاعايىندالدى.
«پاۆلودار وبلىسىنىڭ پوليتسيياسى جالعان ۆاكتسينالاۋ پاسپورتىن ساتىپ الىپ, ەرٸ قاراي قولدانىسقا تٷسٸرگەن ادامداردى انىقتاپ جاتىر. ولارعا قاتىستى تەرگەۋ امالدارى جٷرگٸزٸلٸپ, قىلمىستىق كودەكستٸڭ 3-بٶلٸمٸ 385-بابى بويىنشا كٶرٸنەۋ جالعان قۇجاتتى پايدالانعانى ٷشٸن قىلمىستىق جاۋاپقا تارتۋ تۋرالى مەسەلە قاراستىرىلادى», - دەپ مەلٸمدەدٸ پاۆلودار وبلىسى پوليتسييا دەپارتامەنتٸنٸڭ باستىعى نۇرلان مەسٸموۆ.
