Pavlodar oblysynda Ekinshi dúniejúzilik soǵys ardagerleri 1 million teńgeden aldy, dep habarlaidy pavlodarnews.kz.
Jeńis kúni qarsańynda Pavlodar oblysynda turatyn soǵys ardagerlerine million teńgeden berildi. Jalpy, 9 mamyrǵa deiin oblysta maidangerlerge jáne taǵy 11 sanattaǵy azamattarǵa berilý úshin 300 million teńgeden astam qarjy bólindi.
«Meniń ákem Grigorii Fedorovich Ivanchenko 1924 jyly 10 aqpanda dúniege kelgen. Ákem 1942 jyly Ýspen aýylynan shaqyryldy. Kýshka qalasynda áskeri boryshyn ótep, sodan keiin 1943 jyly segizinshi gvardiialyq áýe-desanttyq brigadasyna enip, Máskeý mańynda shaiqasty. 1944 jyly Japoniiamen Ekinshi Qiyr Shyǵys maidanynda soǵysty. 2-dárejeli Uly Otan soǵysy ordenimen, «Japoniiany jeńgeni úshin» medalimen marapattalǵan. 1950 jyly áskerden qaitaryldy. Beibit ýaqytta ol Pavlodar áýejaiynda aǵa injener bolyp jumys istedi. Jumys ótili - 57 jyl. Ul men qyzyn tárbielep ósirdi, qazir onyń tórt nemeresi bar. Biz batyr ákelerimiz ben atalarymyzdyń erlikterin umytpaǵany úshin memleketke rizamyz», - deidi maidangerdiń uly Vladimir Ivanchenko.
Qazir Ertis óńirinde kózi tiri 55 maidanger qaldy. Soǵys ardagerleriniń eń jasy úlkeni – Sharbaqty aýdanynda turatyn 95 jastaǵy Mihail Illarionovich Kovtýn.
Ekinshi dúniejúzilik soǵystyń eń jas ardageri Mihail Mihailovich Milvanov jaqynda 91 jasqa tolady. Ol soǵystyń alǵashqy kúnderinen bastap ekinshi Stalindik brigadasynyń «Otan úshin» atty partizan tobyna qosyldy. Ol pýlemetshi bolyp bekitilgen. Partizandyq toppen birge barlaý júrgizdi, bailanys ornatty jáne kóptegen basqa operatsiialardy júzege asyrdy. Ýkraina azat etilgennen keiin top taratyldy. 1947 jyly áskerden qaitarylǵannan keiin Mihail Mihailovich Lvovtaǵy №1 temirjol ýchilishesine túsip, onda parovoz injeneriniń kómekshisi mamandyǵyn aldy. 1954 jyly joldar ministrliginiń buiryǵymen Qaraǵandy temir jolyna, sol jerden 47 jyl jumys istegen Pavlodar lokomotiv deposyna jiberildi. 1984 jyly zeinet demalysyna shyqty. Jeńis kúniniń 75 jyldyǵy qarsańynda Mihail Milvanov týǵan kúnimen quttyqtaýlardy qabyldaýda.
Pavlodar oblysynda Ekinshi dúniejúzilik soǵys ardagerleri men múgedekterinen basqa, azamattardyń taǵy 11 sanaty kepildendirilgen qarjylai kómek alýǵa quqyly.
Tyl eńbekkerleri men olarǵa teńestirilgenderge usynylatyn tólemder – 30 myńnan 100 myń teńge kóleminde. Bul sanattaǵylardyń basym bóligin tyl eńbekkerleri quraidy. Olardyń sany – 6998.
Keńes Odaǵynda ásker qatarynda qyzmet atqarǵan qatysýshylar (tórt adam) - 100 myń teńge, Leningrad qalasynda qorshaýda bolǵan alty adamǵa – 60 myń, Chernobyl atom-elektr stantsiiasynda qaza tapqan azamattardyń 21 otbasyna – 30 myń teńge jáne beibit ýaqytta áskeri qyzmetin ótkerý kezinde qaza tapqan 46 áskeri qyzmetshilerdiń otbasyna – 10 AEK mólsherde tólemaqy qarastyrylǵan. Bul soma 1 sáýirden bastap 27780 teńgege teńestirilgen.
Keńes Odaǵy kezinde Keńes áskerinde jáne basqa da memleketterde qyzmet atqarǵan 673 adamǵa – 50 myń teńge, fashistik kontslagerlerdiń 24 burynǵy kámeletke tolmaǵan tutqynyna – 100 myń teńge, soǵys kezinde múgedek bolǵan azamattardyń áielderi men kúieýlerine, partizandarǵa (262 adam) – 30 myń teńge, tyl eńbekkerlerine - 30 myń (6998), soǵys jyldary áskeri qyzmetin atqarý kezinde múgedek bolǵan azamattar - 100 myń (12 azamatqa), Keńes Odaǵynda UOS tusynda jumys istegen 214 adamǵa – 30 myń teńge kóleminde jáne Chernobyl atom-elektr stantsiiasyna qatysýshylarǵa (260) 50 myń teńge aýdarylady.
Áskeri qyzmet atqarǵanda múgedek bolǵan 12 adam 100 myń teńge alady.
