Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Pavlodar oblysynyń eks-ákimi jol kólik oqiǵasy isi boiynsha 300 myń teńge óndirip aldy

Ult portaly
Pavlodar oblysynyń eks-ákimi jol kólik oqiǵasy isi boiynsha 300 myń teńge óndirip aldy

Foto:instagram.com/bbakauov

Ekibastuz soty Pavlodar oblysynyń burynǵy ákimi Bolat Baqaýovqa qatysty iste úkim shyǵardy. Eks-sheneýnik alǵan jaraqaty úshin emes, oqiǵa ornynan jariialanǵan video úshin ótemaqy surady, - dep habarlaidy Tengrinews.kz.

Jol-kólik oqiǵasyna sebep bolǵan kólik júrgizýshisine qatysty azamattyq talap aryzy boiynsha moraldyq shyǵyndy Baqaýov úsh million teńgege baǵalaǵan.

"Sot kabineti" resýrsy málimetinshe, jol apaty 14 aqpanda saǵat 19.00 shamasynda Pavlodar – Qyzylorda tasjolynda bolǵan.

"Lexus LX470 kóliginiń júrgizýshisi jol qozǵalysy qaýipsizdigin qamtamasyz etpei, jol jolaǵyn aýystyrý kezinde baǵyttas kele jatqan Lexus LX 570 soqtyǵysqan. Nátijesinde Lexus LX 570 aldyńǵy baǵytta oń jaq jolaqpen kele jatqan "GAZelge" soqtyǵysty", - delingen úkimde.

Sot qujatynda sol kúni keshke Baqaýov Pavlodardan Nur-Sultanǵa kele jatqany, al kólikti onyń júrgizýshisi basqarǵany aitylǵan. Sot-meditsinalyq sarapshylar Baqaýovtyń densaýlyǵyna ortasha aýyrlyqtaǵy ziian keldi dep baǵalaǵan.

Baqaýov jol apatyna kináli adammen tatýlasýdan bas tartyp, BAQ pen áleýmettik jelide jol-kólik oqiǵasy ornynan túsirilgen videonyń taralýy saldarynan qorlaý, qajý men jaisyzdyq úshin ótemaqy talap etkeni atap ótildi.

Oqiǵaǵa 45 jastaǵy kásipker kináli ekeni anyqtaldy, ol sotta óz kinásin moiyndamady. Onyń áieli de sotta Lexus LX 570 kóliginiń júrgizýshisi olardyń kóligin qýyp jetip, soqtyǵysqanyn aitty. 

Sot jazany jeńildetetin mán-jaidy, atap aitqanda sottalýshyda kámeletke tolmaǵan balalardyń bolýyn jáne aýyrlatatyn mán-jaidy tappaǵanyn eskere otyryp, er adamdy QR QK-niń 345-baby 1-bóliginde kózdelgen "Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy" qylmystyq quqyqbuzýshylyqty jasaǵany úshin kináli dep tanyp, oǵan 91 890 teńge kóleminde 30 ailyq eseptik kórsetkish mólsherinde aiyppul salyndy, sondai-aq 2 jylǵa júrgizýshi kýáliginen aiyrdy.

Sot Baqaýovtyń azamattyq talap aryzyn jartylai qanaǵattandyrdy.

"Sot istiń mán-jaiyn, sottalýshy kinásiniń dárejesi men nysanyn, onyń materialdy jaǵdaiyn eskere otyryp, ádildik pen jetkiliktilik qaǵidattaryn negizge ala otyryp, keltirilgen ziiandy óteý týraly talaptardy jartylai qanaǵattandyrý, talap etilgen moraldyq shyǵyn somasy 3 millionnan 300 myń teńgege deiin qysqartý qajet degen qorytyndyǵa keldi", - delingen sot qujatynda.

Bul jerde sot úkimi jariialanǵan ýaqyttan bastap 15 kún ishinde Ekibastuz qalalyq soty arqyly Pavlodar oblystyq sotyna apelliatsiia shaǵymynyń berilýi múmkin ekeni atap ótilgen.

Eske salaiyq, jol talǵamaityn kólikter apaty saldarynan "GAZel" kóliginiń 33 jastaǵy júrgizýshisi de zardap shekken. Er adam jabyq bassúiek-mi jaraqatyn alǵan jáne jambas súiegi kógergen. Naýryzda politseiler jol-kólik oqiǵasy deregi boiynsha qylmystyq is qozǵaǵan bolatyn.

Oqi otyryńyz