Pavlodardyń №2 qylmystyq sotynda Pavlodar oblysynyń burynǵy ákimi Bolat Baqaýovtyń shartty túrde merziminen buryn bosatý týraly ótinishi qaraldy, dep habarlaidy Sputnk Qazaqstan.
Biraq sot otyrysy bastalmas buryn kútpegen jańalyq jetti: Baqaýov merzimnen buryn bosatý týraly ótinishhatyn qaitaryp alǵan. Sot Baqaýovtyń bul ótinishin qanaǵattandyrdy. Alaida ótinishti qaitaryp alý sebebi habarlanbady.
2020 jyldyń mamyrynda Pavlodar oblysynyń ákimi Bolat Baqaýov jieniniń salyq tóleýden jaltarǵan firmasynyń qarjylyq múddelerin qoldaýǵa bailanysty sybailas jemqorlyq qylmysy úshin sottaldy.
Burynǵy ákim kináni tolyq moiyndady jáne laýazymyn asyra paidalanǵany úshin 3 jyl 6 ai bas bostandyǵyn shekteý jazasyn aldy.
Bolat Baqaýovtyń ómirbaiany
Bolat Jumabekuly Baqaýov 1971 jyly Pavlodar oblysy Jelezin aýdany Novokýzminka aýylynda dúniege kelgen. Úilengen, bes balasy bar.
2003 jyly Qazaq quqyqtaný jáne halyqaralyq qatynastar institýtyn jáne 2005 jyly Halyqaralyq biznes akademiiasyn támamdaǵan. 2016 jyly ekonomika jáne biznes magistri mamandyǵy boiynsha magistratýra aiaqtady.
Qyzmet jolyn 1988 jyly Jelezin aýdany "Sovetskii Kazahstan" sovhozynyń jumysshysy bolyp bastaǵan.
2008 jyly jeltoqsanda Pavlodar oblysy Qashyr aýdanynyń ákimi, 2011 jyly qazanda Aqsý qalasynyń ákimi boldy. 2014 jyldyń sáýirinen 2016 jyldyń naýryzyna deiin Pavlodar qalasynyń ákimi qyzmetin atqardy.
2016 jyldyń 25 naýryzynan bastap Pavlodar oblysynyń ákimi boldy.
"Qurmet" ordenimen, "Eren eńbegi úshin", "Qazaqstan Respýblikasynyń táýelsizdigine 20 jyl", "Qazaqstan Respýblikasynyń konstitýtsiiasyna 20 jyl" medaldarymen marapattalǵan.
