Premer-Ministr Álihan Smaiylov pen Prezident Ákimshiliginiń Basshysy Murat Nurtileý jumys saparymen Pavlodar oblysyna baryp, óńirdiń barlyq deńgeidegi máslihattar depýtattarynyń jinalysyna qatysty, dep habarlaidy "Ult aqparat" primeminister.kz saityna silteme jasap.
Álihan Smaiylov Memleket basshysynyń óńir ákimi laýazymyna Baihanov Asaiyn Qýandyquly men Batyrǵojinov Serik Barlybaiulynyń kandidatýralaryn qaraýǵa engizý týraly hatyn oqydy.
Ashyq daýys berý kezinde 177 depýtattyń 135-i A. Baihanovqa, 42 depýtat S. Batyrǵojinovqa daýys berdi.
Osydan keiin oblys aktivimen ótken kezdesýde Premer-Ministr ákimdik basshylyǵynyń aldynda turǵan basym mindetteriniń biri infraqurylymdy jańǵyrtý ekenin atap ótti.
«Qazir jylytý maýsymy júrip jatyr. Ókinishke qarai, Ekibastuz qalasynyń jylý jelilerinde apat bolyp, turǵyndar jylýsyz qalǵan edi. Jan aiamai jumys istegen mamandardyń arqasynda jylý berý qalpyna keltirildi. Qazirgi kezde apattyń sebepteri anyqtalyp jatyr, nátijesi shyqqan soń kináliler jaýapqa tartylatyn bolady. Ákimdik bul máseleni erekshe nazarǵa alyp, jylytý maýsymynyń qalypty jaǵdaida ótýin qamtamasyz etýi kerek», — dedi Álihan Smaiylov.
Sonymen qatar, Úkimet basshysynyń aitýynsha, óńir basshylyǵynyń aldynda aýyldyq densaýlyq saqtaýdy jańǵyrtý boiynsha jáne «Jaily mektep» ulttyq jobalaryn, sondai-aq taý-ken óndirý sektoryn, metallýrgiiany, himiia ónerkásibin, qurylys indýstriiasyn jáne basqa da negizgi salalardy damytý jónindegi sharalardy sapaly iske asyrý mindetteri tur.
Budan basqa, iri óndiris oshaqtarynyń jumysyna bailanysty óńirdegi ekologiialyq ahýal kúrdeli. Respýblika boiynsha shyǵaryndylardyń jalpy kóleminiń shamamen 30%-y Pavlodar oblysyna tiesili.
Osyǵan bailanysty oblys basshylyǵy ziiandy óndiristik shyǵaryndylardyń qorshaǵan ortaǵa teris áserin azaitý jónindegi jumysqa nazar aýdarýy qajet.
«Sonymen qatar kásiporyndar óndiristik protsesti jańǵyrtýǵa, investitsiialardy ulǵaitýǵa, jumyskerlerge áleýmettik qoldaý kórsetýge kóńil bólýi tiis», — dedi Álihan Smaiylov.
