Pavlodar oblysyna jańa ákim taǵaiyndaldy, - dep habarlaidy "Ult aqparat".
"Asaiyn Qýandyquly Baihanov Pavlodar oblysynyń ákimi laýazymyna taǵaiyndalsyn", - delingen Aqorda habarlamasynda.
Eske salaiyq, 1 jeltoqsanda Ábilqaiyr Sqaqov Pavlodar oblysynyń ákimi qyzmetinen bosatylǵan bolatyn. Keiin oblys ákimi mindetin atqarýshy bolyp Oleg Krýk taǵaiyndalǵan edi.
Asaiyn Qýandyquly Baihanov 1977 jyly Pavlodar oblysy Baianaýyl aýdanynda dúniege kelgen. 2000 jyly Pavlodar ýniversitetin «Ekonomika jáne menedjment» mamandyǵy boiynsha támamdaǵan. 2005-2006 jyldary European Bank for Reconstruction and Development (EBRD) jáne «ProCredit Holding AG» nemis halyqaralyq bank holdinginiń Korporativtik kvalifikatsiia arttyrý Ortalyǵynda bilimin jetildirgen. 2017 jyly M.V. Lomonosov at. Máskeý memlekettik ýniversitetinde «Strategiialyq menedjment jáne kásipkerlik» boiynsha MVA dárejesin aldy.
Eńbek jolyn 2000 jyly bank sektorynda Eýropa qaita qurý jáne damý bankiniń (EBRD) ofisi Qazaqstanda júzege asyrǵan Qazaqstannyń shaǵyn biznesi baǵdarlamasy boiynsha bastaǵan. Asaiyn Baihanov Ekibastuz qalasyndaǵy kredit sarapshysy retindi taǵylymdamadan bastap, EBRD Baǵdarlamasynyń Almaty qalasyndaǵy bas ofisiniń jańa bank ónimderin engizý bóliminiń basshysyna deiin qyzmet atqardy. Osy aralyqta Eýropa qaita qurý jáne damý bankiniń Qazaqstanda jáne shetelde uiymdastyrylǵan túrli oqytý seminarlary men kópdeńgeili bilim berý baǵdarlamalarynan ótken.
2003 jyldan 2007 jylǵa deiin «ProCredit Holding AG» nemis halyqaralyq bank holdinginde birqatar basshylyq laýazymdarynda qyzmet atqarǵan. Kiev qalasyndaǵy «ProKredit Ýkraina» JAO-nyń atqarýshy direktory bolǵan. 2007 jyly A. Baihanov Qazaqstanǵa «Nurbank» AQ Basqarma basshysy orynbasary qyzmetine oralyp, banktiń filialdyq jelisin keńeitý, agrarly sala men shaǵyn jáne orta biznesti nesieleý baǵyttary boiynsha jumys jasady.
2009-2015 jyldar aralyǵynda jeke sektorǵa aýysyp, aýylsharýashylyǵy salasynda kásipkerlikpen ainalysqan. Mal sharýashylyǵy, ósimdik sharýashylyǵy, Almaty jáne Almaty oblysynda logistika men júk tasymaly boiynsha birqatar nátijeli biznes-jobalardy iske asyrǵan.
2015-2020 jyldar «KazAgro» Ulttyq basqarma holdingi» AQ tobyndaǵy «KazAgroÓnim» AQ kvazimemlekettik kompaniiasynyń Basqarma basshysynyń orynbasary boldy. Bul aralyqta aýylsharýashylyǵyndaǵy túrli memlekettik baǵdarlamalardy ózgertý jáne aýylsharýashylyǵy ónimderin eksporttaý boiynsha maqsatty indikatorlarǵa qol jetkizý boiynsha jumys toptarynda jumys istep, olardy basqardy.
2020 jylǵy naýryzdan bastap jańa taǵaiyndaýǵa deiin Pavlodar oblysy ákiminiń orynbasary laýazymynda eńbek etti. Aýyl sharýashylyǵy, aýyldyq aimaqtardy damytý, jer qoinaýyn paidalaný, qorshaǵan orta men sý resýrstary, jer qatynastary, áleýmettik qorǵaý jáne sport máselelerine jetekshilik etti.
2021 jylǵy 19 shildede Pavlodar qalasynyń ákimi bolyp taǵaiyndaldy.
