پاۆلودار وبلىسىنا جاڭا ەكٸم تاعايىندالدى, - دەپ حابارلايدى "ۇلت اقپارات".
"اسايىن قۋاندىقۇلى بايحانوۆ پاۆلودار وبلىسىنىڭ ەكٸمٸ لاۋازىمىنا تاعايىندالسىن", - دەلٸنگەن اقوردا حابارلاماسىندا.
ەسكە سالايىق, 1 جەلتوقساندا ەبٸلقايىر سقاقوۆ پاۆلودار وبلىسىنىڭ ەكٸمٸ قىزمەتٸنەن بوساتىلعان بولاتىن. كەيٸن وبلىس ەكٸمٸ مٸندەتٸن اتقارۋشى بولىپ ولەگ كرۋك تاعايىندالعان ەدٸ.
اسايىن قۋاندىقۇلى بايحانوۆ 1977 جىلى پاۆلودار وبلىسى باياناۋىل اۋدانىندا دٷنيەگە كەلگەن. 2000 جىلى پاۆلودار ۋنيۆەرسيتەتٸن «ەكونوميكا جەنە مەنەدجمەنت» ماماندىعى بويىنشا تەمامداعان. 2005-2006 جىلدارى European Bank for Reconstruction and Development (EBRD) جەنە «ProCredit Holding AG» نەمٸس حالىقارالىق بانك حولدينگٸنٸڭ كورپوراتيۆتٸك كۆاليفيكاتسييا ارتتىرۋ ورتالىعىندا بٸلٸمٸن جەتٸلدٸرگەن. 2017 جىلى م.ۆ. لومونوسوۆ ات. مەسكەۋ مەملەكەتتٸك ۋنيۆەرسيتەتٸندە «ستراتەگييالىق مەنەدجمەنت جەنە كەسٸپكەرلٸك» بويىنشا مۆا دەرەجەسٸن الدى.
ەڭبەك جولىن 2000 جىلى بانك سەكتورىندا ەۋروپا قايتا قۇرۋ جەنە دامۋ بانكٸنٸڭ (EBRD) وفيسٸ قازاقستاندا جٷزەگە اسىرعان قازاقستاننىڭ شاعىن بيزنەسٸ باعدارلاماسى بويىنشا باستاعان. اسايىن بايحانوۆ ەكٸباستۇز قالاسىنداعى كرەديت ساراپشىسى رەتٸندٸ تاعىلىمدامادان باستاپ, EBRD باعدارلاماسىنىڭ الماتى قالاسىنداعى باس وفيسٸنٸڭ جاڭا بانك ٶنٸمدەرٸن ەنگٸزۋ بٶلٸمٸنٸڭ باسشىسىنا دەيٸن قىزمەت اتقاردى. وسى ارالىقتا ەۋروپا قايتا قۇرۋ جەنە دامۋ بانكٸنٸڭ قازاقستاندا جەنە شەتەلدە ۇيىمداستىرىلعان تٷرلٸ وقىتۋ سەمينارلارى مەن كٶپدەڭگەيلٸ بٸلٸم بەرۋ باعدارلامالارىنان ٶتكەن.
2003 جىلدان 2007 جىلعا دەيٸن «ProCredit Holding AG» نەمٸس حالىقارالىق بانك حولدينگٸندە بٸرقاتار باسشىلىق لاۋازىمدارىندا قىزمەت اتقارعان. كيەۆ قالاسىنداعى «پروكرەديت ۋكراينا» جاو-نىڭ اتقارۋشى ديرەكتورى بولعان. 2007 جىلى ا. بايحانوۆ قازاقستانعا «نۇربانك» اق باسقارما باسشىسى ورىنباسارى قىزمەتٸنە ورالىپ, بانكتٸڭ فيليالدىق جەلٸسٸن كەڭەيتۋ, اگرارلى سالا مەن شاعىن جەنە ورتا بيزنەستٸ نەسيەلەۋ باعىتتارى بويىنشا جۇمىس جاسادى.
2009-2015 جىلدار ارالىعىندا جەكە سەكتورعا اۋىسىپ, اۋىلشارۋاشىلىعى سالاسىندا كەسٸپكەرلٸكپەن اينالىسقان. مال شارۋاشىلىعى, ٶسٸمدٸك شارۋاشىلىعى, الماتى جەنە الماتى وبلىسىندا لوگيستيكا مەن جٷك تاسىمالى بويىنشا بٸرقاتار نەتيجەلٸ بيزنەس-جوبالاردى ٸسكە اسىرعان.
2015-2020 جىلدار «كازاگرو» ۇلتتىق باسقارما حولدينگٸ» اق توبىنداعى «كازاگروٶنٸم» اق كۆازيمەملەكەتتٸك كومپانيياسىنىڭ باسقارما باسشىسىنىڭ ورىنباسارى بولدى. بۇل ارالىقتا اۋىلشارۋاشىلىعىنداعى تٷرلٸ مەملەكەتتٸك باعدارلامالاردى ٶزگەرتۋ جەنە اۋىلشارۋاشىلىعى ٶنٸمدەرٸن ەكسپورتتاۋ بويىنشا ماقساتتى ينديكاتورلارعا قول جەتكٸزۋ بويىنشا جۇمىس توپتارىندا جۇمىس ٸستەپ, ولاردى باسقاردى.
2020 جىلعى ناۋرىزدان باستاپ جاڭا تاعايىنداۋعا دەيٸن پاۆلودار وبلىسى ەكٸمٸنٸڭ ورىنباسارى لاۋازىمىندا ەڭبەك ەتتٸ. اۋىل شارۋاشىلىعى, اۋىلدىق ايماقتاردى دامىتۋ, جەر قويناۋىن پايدالانۋ, قورشاعان ورتا مەن سۋ رەسۋرستارى, جەر قاتىناستارى, ەلەۋمەتتٸك قورعاۋ جەنە سپورت مەسەلەلەرٸنە جەتەكشٸلٸك ەتتٸ.
2021 جىلعى 19 شٸلدەدە پاۆلودار قالاسىنىڭ ەكٸمٸ بولىپ تاعايىندالدى.
