Pavlodar oblysynyń ákimi Ábilqaiyr Ysqaqov Úkimet otyrysynda Ekibastuz qalasyndaǵy ahýaldy baiandady, dep habarlaidy QazAqparat.

«27 qarasha kúni Ekibastuz jylý-elektr ortalyǵynyń №11 qazandyǵy apatty túrde toqtatyldy. Keiin jylýmen jabdyqtaý jelilerindegi qysymnyń tómendeýine bailanysty taǵy da 3 qazandyq toqtatyldy. Sebebi jeli ishindegi sý normadan úsh ese artyq ketip turdy. Saldarynan jylý-elektr ortalyǵy 52,37-ge tómendetilgen parametrlermen jumys istedi. Norma boinysha 87,56 bolý kerek. Sol ýaqyttan bastap jedel shtab qurylyp, barlyq qajetti resýrstar tartyldy, jalpy tótenshe jaǵdai jariialandy», - dedi ákim.

Sondai-aq, ol oqiǵanyń qalai órbigenin hronolgiia boiynsha málim etti.

«27 qarasha kúngi saǵat 21.00-degi jaǵdai boiynsha, 149 kóppáterli túrǵyn úi jáne 15 áleýmettik nysan jylýsyz bolǵan. Qalpyna keltirý jumystarynyń nátijeleri boiynsha 15 eleýli zaqymnyń 14-i joiyldy. Nátijesinde jeli ishinde ystyq sýdyń ketýi 3,2 esege deiin tómendedi.

28 qarasha kúni tańǵa qarai qabyldanǵan sharalar 132 kóppátreli turǵyn úi men 12 áleýmettik nysandy jylýǵa qosýǵa múmkindik berdi. Osylaisha sol ýaqytqa qarai 17 káppáterli turǵyn úi jáne 3 áleýmettik nysan jylýsyz qalyp turdy. Stansadaǵy temperatýra – 87,59. 10 qazandyqtyń altaýy jumys istep tur. Qajetti jumystardy júrgizýge 25 brigada jáne 37 tehnika tartyldy», - dedi Ábilqaiyr Ysqaqov.

Soǵan qaramastan, 29 qarasha kúni tańǵa qarai taǵy da 25 kóppáterli jáne 90 jekemenshik úidegi ishki jylý júiesinde problemalar paida bolǵan.

«Iaǵni bul úiler jylýdy qabyldai almai otyr. Óz kezeginde jylý jelisinde ystyq sý bar. Biraq atalǵan úilerdegi ishki jylý júiesin qalpyna keltirýmiz kerek. Sol úshin qosymsha 23 briagada taǵy basqa qalalardan kómekke keldi. Sonymen qatar jylýsyz otyrǵan turǵyndarǵa 1200-ge jýyq jylytý quraldary jetkizý uiymdastyryldy», - dedi oblys ákimi.