Pavlodar oblysyndaǵy ishki ister organynda qyzmet etken mamanda qos azamattyq bolǵan. Bul týraly Senattyń jalpy otyrysynda QR Ishki ister vitse-ministri Aleksei Kalaichidi málim etti, dep habarlaidy "Ult aqparat".
«Biyldyń 11 aiynda qos azamattyqtyń 431 faktisin anyqtadyq. Onyń ishinde Shyǵys Qazaqstan men Pavlodar oblystaryndaǵy eki fakti boiynsha memlekettik qyzmetshilerge qatysty boldy», - dedi A. Kalaichidi depýtattar suraǵyna jaýap bere otyryp.
Osy oraida ol bul baǵyttaǵy jumystar TMD elderiniń quqyq qorǵaý organdary arasynda tiisti konventsiialar aiasynda iske asyrylyp jatqanyn jetkizdi.
Ázirge Reseimen arada ońtaily jaýap bolmai turǵanyna toqtalǵan ol, «TMD-nyń basqa elderimen atalǵan máselede aitarlyqtai tyǵyz qarym-qatynas ornatylǵan. Biz osyndai aqparattardy tekserip jatyrmyz. Atap aitqanda, Pavlodar oblysyndaǵy jaǵdai boiynsha ishki ister organynyń qyzmetkeri anyqtaldy. Áriptestermen ózara túsinistik bar, barsha álemde bul baǵyttaǵy jumystar resmi saýaldar men jedel atqarý jumystary negizinde iske asyrylady», - dedi.
