پاۆلودار وبلىسىنداعى ٸشكٸ ٸستەر ورگانىندا قىزمەت ەتكەن ماماندا قوس ازاماتتىق بولعان. بۇل تۋرالى سەناتتىڭ جالپى وتىرىسىندا قر ٸشكٸ ٸستەر ۆيتسە-مينيسترٸ الەكسەي كالايچيدي مەلٸم ەتتٸ, دەپ حابارلايدى "ۇلت اقپارات".
«بيىلدىڭ 11 ايىندا قوس ازاماتتىقتىڭ 431 فاكتٸسٸن انىقتادىق. ونىڭ ٸشٸندە شىعىس قازاقستان مەن پاۆلودار وبلىستارىنداعى ەكٸ فاكتٸ بويىنشا مەملەكەتتٸك قىزمەتشٸلەرگە قاتىستى بولدى», - دەدٸ ا. كالايچيدي دەپۋتاتتار سۇراعىنا جاۋاپ بەرە وتىرىپ.
وسى ورايدا ول بۇل باعىتتاعى جۇمىستار تمد ەلدەرٸنٸڭ قۇقىق قورعاۋ ورگاندارى اراسىندا تيٸستٸ كونۆەنتسييالار اياسىندا ٸسكە اسىرىلىپ جاتقانىن جەتكٸزدٸ.
ەزٸرگە رەسەيمەن ارادا وڭتايلى جاۋاپ بولماي تۇرعانىنا توقتالعان ول, «تمد-نىڭ باسقا ەلدەرٸمەن اتالعان مەسەلەدە ايتارلىقتاي تىعىز قارىم-قاتىناس ورناتىلعان. بٸز وسىنداي اقپاراتتاردى تەكسەرٸپ جاتىرمىز. اتاپ ايتقاندا, پاۆلودار وبلىسىنداعى جاعداي بويىنشا ٸشكٸ ٸستەر ورگانىنىڭ قىزمەتكەرٸ انىقتالدى. ەرٸپتەستەرمەن ٶزارا تٷسٸنٸستٸك بار, بارشا ەلەمدە بۇل باعىتتاعى جۇمىستار رەسمي ساۋالدار مەن جەدەل اتقارۋ جۇمىستارى نەگٸزٸندە ٸسكە اسىرىلادى», - دەدٸ.
