Foto: Pavlodar oblysynyń Tótenshe jaǵdailar departamenti
Pavlodar oblysynda órt saldarynan eki jasar qyz qaitys boldy. Taǵy bir balany kúiik shaldy, - dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvo málimetinshe, 9 tamyz saǵat 10:29-da Tereńkól aýdanyndaǵy Beregovoe aýylynda jekemenshik úi janyp jatqany týraly habarlama kelip túsken.
"Oqiǵa ornynda 2 tehnika men jeke quramnyń 8 adamy jumys istedi. Órt 80 sharshy metr aýmaqty sharpyǵan.
Órt kezinde 2019 jylǵy bala zardap shegip, 1-2 dárejeli termiialyq kúiik aldy. Balany aýrýhanaǵa jatqyzý qajet bolmady. Ókinishke orai, 2021 jyly týǵan búldirshin qaitys boldy.
Balalardyń anasy aýlada bolǵan. Kópbalaly otbasy segizinshi balasyn kútip otyr", - delingen habarlamada
Órt saǵat 11:45-te oqshaýlanyp, saǵat 12:15-te tolyq sóndirilgen.
Órttiń shyǵý sebebi anyqtalyp jatyr.
