فوتو: پاۆلودار وبلىسىنىڭ تٶتەنشە جاعدايلار دەپارتامەنتٸ
پاۆلودار وبلىسىندا ٶرت سالدارىنان ەكٸ جاسار قىز قايتىس بولدى. تاعى بٸر بالانى كٷيٸك شالدى, - دەپ حابارلايدى "ۇلت اقپارات" وبلىستىق تجد باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, 9 تامىز ساعات 10:29-دا تەرەڭكٶل اۋدانىنداعى بەرەگوۆوە اۋىلىندا جەكەمەنشٸك ٷي جانىپ جاتقانى تۋرالى حابارلاما كەلٸپ تٷسكەن.
"وقيعا ورنىندا 2 تەحنيكا مەن جەكە قۇرامنىڭ 8 ادامى جۇمىس ٸستەدٸ. ٶرت 80 شارشى مەتر اۋماقتى شارپىعان.
ٶرت كەزٸندە 2019 جىلعى بالا زارداپ شەگٸپ, 1-2 دەرەجەلٸ تەرمييالىق كٷيٸك الدى. بالانى اۋرۋحاناعا جاتقىزۋ قاجەت بولمادى. ٶكٸنٸشكە وراي, 2021 جىلى تۋعان بٷلدٸرشٸن قايتىس بولدى.
بالالاردىڭ اناسى اۋلادا بولعان. كٶپبالالى وتباسى سەگٸزٸنشٸ بالاسىن كٷتٸپ وتىر", - دەلٸنگەن حابارلامادا
ٶرت ساعات 11:45-تە وقشاۋلانىپ, ساعات 12:15-تە تولىق سٶندٸرٸلگەن.
ٶرتتٸڭ شىعۋ سەبەبٸ انىقتالىپ جاتىر.
