Pavlodar oblysynda úsh aida 9,3 myń adam jumystan shyǵyp qaldy. Olardyń basym bóligi óz erkimen jáne eńbek tártibin buzýyna bailanysty qyzmetinen ketken, dep habarlaidy "Ult aqparat" pavlodarnews.kz saityna silteme jasap.
Statistika departamentiniń málimetine sáikes, biylǵy II toqsanda oblystyń iri jáne orta kásiporyndary men uiymdaryna 9,1 myń adam jumysqa qabyldanyp, 9,3 myń adam túrli sebeptermen qyzmetinen bosaǵan. Olardyń 90 paiyzy óz erkimen jáne eńbek tártibin buzǵany úshin, 1 paiyzy personal sanynyń qysqartylýy men kásiporynnyń taratylýyna bailanysty jumystan ketken. Laýazymyna nemese oryndap otyrǵan jumysyna sáikes kelmeýi, biliktiliginiń jetispeýi, sondai-aq basqa sebeptermen - 9 paiyzdy qurady.
Oblys boiynsha jumys kúshin almastyrý koeffitsienti 98,2 paiyzǵa jetti. Qabyldaý boiynsha ainalym koeffitsienti 6,3 paiyzdy, jumystan bosatylý boiynsha ainalym koeffitsienti – 6,4 paiyzdy, jumys kúshiniń turaqsyzdyq koeffitsienti – 5,7 paiyzdy qurady.
