پاۆلودار وبلىسىندا ٷش ايدا 9,3 مىڭ ادام جۇمىستان شىعىپ قالدى. ولاردىڭ باسىم بٶلٸگٸ ٶز ەركٸمەن جەنە ەڭبەك تەرتٸبٸن بۇزۋىنا بايلانىستى قىزمەتٸنەن كەتكەن, دەپ حابارلايدى "ۇلت اقپارات" pavlodarnews.kz سايتىنا سٸلتەمە جاساپ.
ستاتيستيكا دەپارتامەنتٸنٸڭ مەلٸمەتٸنە سەيكەس, بيىلعى II توقساندا وبلىستىڭ ٸرٸ جەنە ورتا كەسٸپورىندارى مەن ۇيىمدارىنا 9,1 مىڭ ادام جۇمىسقا قابىلدانىپ, 9,3 مىڭ ادام تٷرلٸ سەبەپتەرمەن قىزمەتٸنەن بوساعان. ولاردىڭ 90 پايىزى ٶز ەركٸمەن جەنە ەڭبەك تەرتٸبٸن بۇزعانى ٷشٸن, 1 پايىزى پەرسونال سانىنىڭ قىسقارتىلۋى مەن كەسٸپورىننىڭ تاراتىلۋىنا بايلانىستى جۇمىستان كەتكەن. لاۋازىمىنا نەمەسە ورىنداپ وتىرعان جۇمىسىنا سەيكەس كەلمەۋٸ, بٸلٸكتٸلٸگٸنٸڭ جەتٸسپەۋٸ, سونداي-اق باسقا سەبەپتەرمەن - 9 پايىزدى قۇرادى.
وبلىس بويىنشا جۇمىس كٷشٸن الماستىرۋ كوەففيتسيەنتi 98,2 پايىزعا جەتتٸ. قابىلداۋ بويىنشا اينالىم كوەففيتسيەنتٸ 6,3 پايىزدى, جۇمىستان بوساتىلۋ بويىنشا اينالىم كوەففيتسيەنتٸ – 6,4 پايىزدى, جۇمىس كٷشٸنٸڭ تۇراقسىزدىق كوەففيتسيەنتٸ – 5,7 پايىزدى قۇرادى.
