Foto: ashyq derekkóz
2025 jylǵy 31 naýryzda Pavlodar oblysynda Ekibastuz qalalyq soty birqatar laýazymdy tulǵalarǵa qatysty úkim shyǵardy, dep habarlaidy Ult.kz.
Sot sheshimi boiynsha Ekibastuz qalasy Tótenshe jaǵdailar basqarmasynyń bastyǵy D. Kýkonev, onyń orynbasary J. Maimanov jáne kásipker B. Jumashev birneshe ret para alǵany úshin kináli dep tanyldy. Tergeý málimetinshe, Kýkonev pen Maimanov Jumashevtyń memlekettik emes órtke qarsy qyzmet kórsetý sharttaryn jasaýyna yqpal etkeni úshin jalpy somasy 7,4 million teńge kóleminde para alǵan.
Sot úkimimen Kýkonev 7 jyl 6 aiǵa, al Maimanov pen Jumashev árqaisysy 7 jylǵa bas bostandyǵynan aiyryldy. Sonymen qatar, úsheýi de ómir boiyna memlekettik jáne kvazimemlekettik sektorda jumys isteý quqyǵynan aiyryldy.
Buǵan qosa, Kýkonevke «azamattyq qorǵanys polkovnigi», al Maimanovqa «azamattyq qorǵanys maiory» arnaiy ataǵynan aiyrylý jazasy taǵaiyndaldy.
Sot úkimi zańdy kúshine engen joq.
