Pavlodar oblysynda temirjoldy sý shaiyp ketkeni túsirilgen video paida boldy, - dep habarlaidy kaz.tengrinews.kz.
"Qazaqstan temir joly" UK" AQ "Magistraldi jeliler direktsiiasy" departamentiniń basshysy Amanǵos Baimaǵambetov videoda Pavlodar oblysyndaǵy Degelen-Mai ótkelindegi joldyń túsirilgenin aitty. Baimaǵambetovtyń aitýynsha, bul video 30 naýryzda túsirilgen bolýy múmkin.
QTJ málimetinshe, osy aýmaqtaǵy qozǵalys 31 naýryzda saǵat 11.03-te ashyldy.
Sondai-aq, Jelide tótenshe jaǵdaidyń basqa da videolary taralyp jatyr. QTJ-daǵylar bul temirjoldyń ulttyq kompaniiaǵa esh qatysy joq ekenin aityp otyr.
"Bul jeke bir adamǵa tiesili aýmaq, QTJ-nyń aýmaǵy emes. Bul kómir razrezi ornalasqan Qarajyrada. Osy aýmaqtaǵy eki jerdegi jer tósemin tolyqtai sý shaiyp ketti", - dedi "Magistraldi jeliler direktsiiasy" departamentiniń basshysy Amanǵos Baimaǵambetov.
QR IIM TJK Tótenshe jaǵdailardy joiý basqarmasy basshysynyń orynbasary Jomart Asqarov Pavlodar, Soltústik Qazaqstan, Shyǵys Qazaqstan jáne Batys Qazaqstan oblystaryndaǵy avtojoldarda sýdyn tasyǵany jaily aitty. Biraq onyń aitýynsha, eldi mekenderge sý astynda qalý tónip turǵan joq.
Biraq Qaraǵandy oblysyndaǵy turǵyn úilerdi sý basqany jaily málimetter anyqtalyp otyr.
"Qarqaraly aýdanyndaǵy Jarly aýylynda toǵyz úi sý astynda qaldy. Qalǵan aýmaqtardyń da sý astynda qalý qaýpi bar. Ol másele retteldi, sý turǵyn úilerge jetken joq", - dedi Jomart Asqarov.
Sonymen qatar, ol tótenshe jaǵdaidyń aýyldyń shet jaǵynda bolǵanyn aitty. Sý deńgeii 20-25 santimetrge deiin jetken. Osyǵan bailanysty 31 adam evakýatsiialanǵan. Qazirgi ýaqytta olar sol aýyldaǵy týystarynyń úilerine ornalastyryldy.
Aita keteiik, Pavlodar oblysyndaǵy Degelen - Mai ótkelindegi joldardy shaiyp ketken tótenshe jaǵdaidy joiýǵa 140 adam jumyldy. Oqiǵa 2017 jyldyń 30 naýryzynda bolǵan. Sý shaiyp ketken aýmaqtaǵy qozǵalys der kezinde toqtatyldy.
