پاۆلودار وبلىسىندا تەمٸرجولدى سۋ شايىپ كەتكەنٸ تٷسٸرٸلگەن ۆيدەو پايدا بولدى

پاۆلودار وبلىسىندا تەمٸرجولدى سۋ شايىپ كەتكەنٸ تٷسٸرٸلگەن ۆيدەو پايدا بولدى, - دەپ حابارلايدى kaz.tengrinews.kz.

"قازاقستان تەمٸر جولى" ۇك" اق "ماگيسترالدٸ جەلٸلەر ديرەكتسيياسى" دەپارتامەنتٸنٸڭ باسشىسى امانعوس بايماعامبەتوۆ ۆيدەودا پاۆلودار وبلىسىنداعى دەگەلەن-ماي ٶتكەلٸندەگٸ جولدىڭ تٷسٸرٸلگەنٸن ايتتى. بايماعامبەتوۆتىڭ ايتۋىنشا, بۇل ۆيدەو 30 ناۋرىزدا تٷسٸرٸلگەن بولۋى مٷمكٸن.

قتج مەلٸمەتٸنشە, وسى اۋماقتاعى قوزعالىس 31 ناۋرىزدا ساعات 11.03-تە اشىلدى.

سونداي-اق, جەلٸدە تٶتەنشە جاعدايدىڭ باسقا دا ۆيدەولارى تارالىپ جاتىر. قتج-داعىلار بۇل تەمٸرجولدىڭ ۇلتتىق كومپانيياعا ەش قاتىسى جوق ەكەنٸن ايتىپ وتىر.

"بۇل جەكە بٸر ادامعا تيەسٸلٸ اۋماق, قتج-نىڭ اۋماعى ەمەس. بۇل كٶمٸر رازرەزٸ ورنالاسقان قاراجىرادا. وسى اۋماقتاعى ەكٸ جەردەگٸ جەر تٶسەمٸن تولىقتاي سۋ شايىپ كەتتٸ", - دەدٸ "ماگيسترالدٸ جەلٸلەر ديرەكتسيياسى" دەپارتامەنتٸنٸڭ باسشىسى امانعوس بايماعامبەتوۆ.

قر ٸٸم تجك تٶتەنشە جاعدايلاردى جويۋ باسقارماسى باسشىسىنىڭ ورىنباسارى جومارت اسقاروۆ پاۆلودار, سولتٷستٸك قازاقستان, شىعىس قازاقستان جەنە باتىس قازاقستان وبلىستارىنداعى اۆتوجولداردا سۋدىن تاسىعانى جايلى ايتتى. بٸراق ونىڭ ايتۋىنشا, ەلدٸ مەكەندەرگە سۋ استىندا قالۋ تٶنٸپ تۇرعان جوق.

بٸراق قاراعاندى وبلىسىنداعى تۇرعىن ٷيلەردٸ سۋ باسقانى جايلى مەلٸمەتتەر انىقتالىپ وتىر.

"قارقارالى اۋدانىنداعى جارلى اۋىلىندا توعىز ٷي سۋ استىندا قالدى. قالعان اۋماقتاردىڭ دا سۋ استىندا قالۋ قاۋپٸ بار. ول مەسەلە رەتتەلدٸ, سۋ تۇرعىن ٷيلەرگە جەتكەن جوق", - دەدٸ جومارت اسقاروۆ.

سونىمەن قاتار, ول تٶتەنشە جاعدايدىڭ اۋىلدىڭ شەت جاعىندا بولعانىن ايتتى. سۋ دەڭگەيٸ 20-25 سانتيمەترگە دەيٸن جەتكەن. وسىعان بايلانىستى 31 ادام ەۆاكۋاتسييالانعان. قازٸرگٸ ۋاقىتتا ولار سول اۋىلداعى تۋىستارىنىڭ ٷيلەرٸنە ورنالاستىرىلدى. 

ايتا كەتەيٸك, پاۆلودار وبلىسىنداعى دەگەلەن - ماي ٶتكەلٸندەگٸ جولداردى شايىپ كەتكەن تٶتەنشە جاعدايدى جويۋعا 140 ادام جۇمىلدى. وقيعا 2017 جىلدىڭ 30 ناۋرىزىندا بولعان. سۋ شايىپ كەتكەن اۋماقتاعى قوزعالىس دەر كەزٸندە توقتاتىلدى.