Pavlodar oblysynda sý qubyryn salýǵa bólingen 1,2 mlrd teńgeniń jymqyrylǵany anyqtaldy.
Bul týraly "Ult aqparat" QR Qarjy ministrligi Qarjy monitoringi komitetiniń baspasóz qyzmetine silteme jasap habarlaidy.
Komitet taratqan aqparatqa qaraǵanda, atalmysh organ ókilderi jymqyrylǵan qarjyny Pavlodar oblysy boiynsha Ekonomikalyq tergeý departamenti Pavlodar oblysy prokýratýrasynyń bastamasymen qurylǵan vedomstvoaralyq jedel-tergeý toby sheńberinde oblystyq Sybailas jemqorlyqqa qarsy is-qimyl departamenti men Ulttyq qaýipsizdik departamenti qyzmetkerlerimen birlesip, «Qazyna» jedel profilaktikalyq is-sharasy barysynda anyqtaǵan.
Kúdiktilerdiń is-áreketteri QR QK 189-babynyń 4-b. 2-t. (asa iri mólsherde jasalǵan, adamdar tobynyń aldyn ala sóz bailasýy boiynsha senip tapsyrylǵan bóten múlikti ielenip alý nemese talan-tarajyǵa salý) boiynsha saralandy.
Atalǵan bap sanktsiiasynda múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, jeti jyldan on eki jylǵa deiingi merzimge bas bostandyǵynan aiyrý kózdelgen.
Qazirgi ýaqytta kúdikti ustalyp, olarǵa qatysty Pavlodar qalasynyń Mamandandyrylǵan tergeý soty kúzetpen ustaý túrindegi bultartpaý sharasyn sanktsiialady.
«Qylmystyq is boiynsha qylmystyń barlyq mán-jaiyn jáne jasalǵan quqyq buzýshylyqqa qatysy bar basqa da adamdardy anyqtaýǵa baǵyttalǵan tergeý áreketteri júrgizilýde»,-delingen habaramada.
