پاۆلودار وبلىسىندا سۋ قۇبىرىن سالۋعا بٶلٸنگەن 1,2 ملرد تەڭگەنٸڭ جىمقىرىلعانى انىقتالدى.
بۇل تۋرالى "ۇلت اقپارات" قر قارجى مينيسترلٸگٸ قارجى مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ حابارلايدى.
كوميتەت تاراتقان اقپاراتقا قاراعاندا, اتالمىش ورگان ٶكٸلدەرٸ جىمقىرىلعان قارجىنى پاۆلودار وبلىسى بويىنشا ەكونوميكالىق تەرگەۋ دەپارتامەنتٸ پاۆلودار وبلىسى پروكۋراتۋراسىنىڭ باستاماسىمەن قۇرىلعان ۆەدومستۆوارالىق جەدەل-تەرگەۋ توبى شەڭبەرٸندە وبلىستىق سىبايلاس جەمقورلىققا قارسى ٸس-قيمىل دەپارتامەنتٸ مەن ۇلتتىق قاۋٸپسٸزدٸك دەپارتامەنتٸ قىزمەتكەرلەرٸمەن بٸرلەسٸپ, «قازىنا» جەدەل پروفيلاكتيكالىق ٸس-شاراسى بارىسىندا انىقتاعان.
كٷدٸكتٸلەردٸڭ ٸس-ەرەكەتتەرٸ قر قك 189-بابىنىڭ 4-ب. 2-ت. (اسا ٸرٸ مٶلشەردە جاسالعان, ادامدار توبىنىڭ الدىن الا سٶز بايلاسۋى بويىنشا سەنٸپ تاپسىرىلعان بٶتەن مٷلٸكتٸ يەلەنٸپ الۋ نەمەسە تالان-تاراجىعا سالۋ) بويىنشا سارالاندى.
اتالعان باپ سانكتسيياسىندا مٷلكٸ تەركٸلەنٸپ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرا وتىرىپ, جەتٸ جىلدان ون ەكٸ جىلعا دەيٸنگٸ مەرزٸمگە باس بوستاندىعىنان ايىرۋ كٶزدەلگەن.
قازٸرگٸ ۋاقىتتا كٷدٸكتٸ ۇستالىپ, ولارعا قاتىستى پاۆلودار قالاسىنىڭ مامانداندىرىلعان تەرگەۋ سوتى كٷزەتپەن ۇستاۋ تٷرٸندەگٸ بۇلتارتپاۋ شاراسىن سانكتسييالادى.
«قىلمىستىق ٸس بويىنشا قىلمىستىڭ بارلىق مەن-جايىن جەنە جاسالعان قۇقىق بۇزۋشىلىققا قاتىسى بار باسقا دا ادامداردى انىقتاۋعا باعىتتالعان تەرگەۋ ەرەكەتتەرٸ جٷرگٸزٸلۋدە»,-دەلٸنگەن حابارامادا.
