Pavlodar oblysynda oryn alǵan jol-kólik apaty saldarynan eki jasóspirim aýrýhanaǵa jetkizildi, dep habarlaidy "Ult aqparat" Polisia.kz saityna silteme jasap.
Jol apaty 4 tamyz kúni saǵat 17:35-te Pavlodar aýdanynyń Lýgansk aýylynda oryn alǵan.
«Sovetov» pen «50 let Oktiabria» kósheleriniń rettelmelmeitin qiylysynda nómiri joq ALFA mopedin júrgizip kele jatqan 13 jastaǵy bala jol erejesin buzyp, Nissan kóligine soǵylǵan. Jol apaty saldarynan kámelet jasqa tolmaǵan júrgizýshi men 15 jastaǵy jolaýshy túrli jaraqatpen aýrýhanaǵa jetkizildi. Kólik arnaiy turaqqa qoiyldy», - dedi Pavlodar oblysy politsiia departamenti bastyǵynyń birinshi orynbasary Jasqairat Qaiyrov.
Tekserý barysynda kámeletke tolmaǵandar ata-anasynyń baqylaýynsyz shyǵyp ketkeni, olardyń kólik júrgizý qujaty joq ekeni, tipti ony júrgizip úirenbegeni anyqtaldy. Jasqairat Qaiyrov jol-kólik oqiǵasy faktisin tekserýden bólek jasóspirimderdiń ata-anasyn jaýapkershilikke tartý máselesi qarastyrylatynyn aitty. Olardyń tártibin Kámelettik jasqa tolmaǵandardyń isteri jónindegi komissiia qarastyrady. Sondai-aq ata-analaryna qatysty ákimshilik óndiris qozǵalady.
Aita keterligi, jyl basynan beri Pavlodar oblysynda kámelet jasqa tolmaǵandarǵa qatysty 52 jol-kólik oqiǵasy tirkelip, saldarynan 63 adam túrli jaraqat alǵan.
