پاۆلودار وبلىسىندا ورىن العان جول-كٶلٸك اپاتى سالدارىنان ەكٸ جاسٶسپٸرٸم اۋرۋحاناعا جەتكٸزٸلدٸ, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
جول اپاتى 4 تامىز كٷنٸ ساعات 17:35-تە پاۆلودار اۋدانىنىڭ لۋگانسك اۋىلىندا ورىن العان.
«سوۆەتوۆ» پەن «50 لەت وكتيابريا» كٶشەلەرٸنٸڭ رەتتەلمەلمەيتٸن قيىلىسىندا نٶمٸرٸ جوق ALFA موپەدٸن جٷرگٸزٸپ كەلە جاتقان 13 جاستاعى بالا جول ەرەجەسٸن بۇزىپ, Nissan كٶلٸگٸنە سوعىلعان. جول اپاتى سالدارىنان كەمەلەت جاسقا تولماعان جٷرگٸزۋشٸ مەن 15 جاستاعى جولاۋشى تٷرلٸ جاراقاتپەن اۋرۋحاناعا جەتكٸزٸلدٸ. كٶلٸك ارنايى تۇراققا قويىلدى», - دەدٸ پاۆلودار وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى جاسقايرات قايىروۆ.
تەكسەرۋ بارىسىندا كەمەلەتكە تولماعاندار اتا-اناسىنىڭ باقىلاۋىنسىز شىعىپ كەتكەنٸ, ولاردىڭ كٶلٸك جٷرگٸزۋ قۇجاتى جوق ەكەنٸ, تٸپتٸ ونى جٷرگٸزٸپ ٷيرەنبەگەنٸ انىقتالدى. جاسقايرات قايىروۆ جول-كٶلٸك وقيعاسى فاكتٸسٸن تەكسەرۋدەن بٶلەك جاسٶسپٸرٸمدەردٸڭ اتا-اناسىن جاۋاپكەرشٸلٸككە تارتۋ مەسەلەسٸ قاراستىرىلاتىنىن ايتتى. ولاردىڭ تەرتٸبٸن كەمەلەتتٸك جاسقا تولماعانداردىڭ ٸستەرٸ جٶنٸندەگٸ كوميسسييا قاراستىرادى. سونداي-اق اتا-انالارىنا قاتىستى ەكٸمشٸلٸك ٶندٸرٸس قوزعالادى.
ايتا كەتەرلٸگٸ, جىل باسىنان بەرٸ پاۆلودار وبلىسىندا كەمەلەت جاسقا تولماعاندارعا قاتىستى 52 جول-كٶلٸك وقيعاسى تٸركەلٸپ, سالدارىنان 63 ادام تٷرلٸ جاراقات العان.
