Foto: Pexels.com
Pavlodar oblysy boiynsha saýda jáne tutynýshylardyń quqyqtaryn qorǵaý Departamenti júrgizgen memlekettik baqylaýdyń nátijesinde 2025 jyldyń I toqsanynda birqatar áleýmettik mańyzy bar azyq-túlik taýarlarynyń baǵasy arzandady, dep habarlaidy Ult.kz.
Atap aitqanda:
- kartoptyń baǵasy — 330 tg/kg-nan 184 tg/kg-ǵa deiin,
- sábiz — 105 tg/kg-dan 69 tg/kg-ǵa deiin,
- qaraqumyq jarmasy — 450 tg/kg-dan 339 tg/kg-ǵa deiin,
- tuz — 120 tg/kg-dan 109 tg/kg-ǵa deiin,
- makoron — 430 tg/kg-nan 388 tg/kg-ǵa deiin,
- taýyq eti — 1 400 tg/kg-nan 1 322 tg/kg-ǵa deiin tómendedi.
Mundai nátijege áleýmettik mańyzy bar azyq-túlik taýarlaryna saýda ústemesin retteý boiynsha zańnama talaptarynyń saqtalýyn qatań baqylaýdyń arqasynda qol jetti.
2025 jyldyń I toqsanynda Departament saýda sýbektilerine 68 tekserý júrgizdi, onyń 43-i jospardan tys tekserý jáne 25 profilaktikalyq tekserý. Tekserýler Pavlodar (33), Ekibastuz (21), Aqsý (12) qalalarynda, sondai-aq Tereńkól aýdanynyń (4) saýda obektilerin qamtydy. 58 saýda sýbektisi saýda zańnamasyn buzǵany anyqtaldy, 10 tekseriste eshqandai zań buzýshylyq anyqtalmady.
Tekseris kezinde jekelegen jaǵdailarda shekti saýda ústemesi saqtalmaǵany anyqtaldy:
- 106% - kartop,
75% — sábiz ,
52,5% — qaraqumyq,
27,2% — taýyq eti.
