Pavlodar oblysynda aýylsharýashylyǵy ónimderin óndirýshiler egis alqaptaryndaǵy jumystaryn bastap ketti, dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
Óńirde 623,1 myń ga astam jer aýmaǵy ylǵaldandyryldy, 107,1 myń jer jyrtyldy, 78,3 myń ga jer egistik aldyndaǵy óńdeýden ótti.
Egistik jumystaryna - 912 tehnika jumyldyryldy. Atap aitqanda6 ylǵal jabýǵa - 664, jyrtýǵa - 188, óńdeý jumystaryna 78,3 myń tehnika.
12,2 myń. ga jer aýmaǵyna kópjyldyq shóp, 30 ga. aýmaqqa kókónis (sábiz) egildi.
Biylǵy jyly egistik alqaptary 153,1 ga ulǵaitylyp, 1 mln 480,3 myń ga jerdi qurady, bul byltyrǵy jyldyń deńgeiimen salystyrǵanda 11,5%-ǵa artyq. Negizgi basymdyq jemshóptik daqyldarǵa berilip, 140 myń ga jerge egilý josparlanyp otyr. Sondai-aq, maily daqyldar aýmaǵy 30 myń ga, kartop 1,5 myń ga, kókónister 700 ga arttyrylmaqshy.
Egis jumystaryna tehnika tolyq daiyn. Tutas alǵanda egis naýqanyna 11 184 traktor, 182 egis kesheni, 1 274 sepkishterdiń barlyq túrleri jumyldyrý josparda.
Qazirgi ýaqytta 4,8 mlrd teńgege 118 tehnika, 3,2 mlrd teńgege 79 tehnika óz qarajattarynan, 1,6 mlrd teńgege 39 tehnika «KazAgroQarjy» AQ esebinen alyndy.
Ósimdik sharýashylyǵyn qoldaýǵa jergilikti biýdjetten 3,1 mlrd teńge sýbsidiia bólindi
«Agrobiznes» jáne «Keń dala» baǵdarlamalary boiynsha «Agrarlyq nesie korporatsiiasy» AQ arqyly kóktemgi egistik jumystaryn júrgizý úshin 3,1 mlrd teńgege 100-den astam jeńildetilgen nesie berý josparlanyp otyr.
Karantin kezeńinde 2510 aýylsharýashylyq tehnikasy men kóktemgi dala jumystaryna tartylǵan 1370 adamnyń beketterden kedergisiz ótý máselesi sheshilgen.
