Pavlodar oblysynyń Aqtoǵai aýdanyndaǵy Jolaman aýylynda ornalasqan Aqtogai Milk JShS aýmaǵynda bolǵan qaiǵyly oqiǵaǵa bailanysty qylmystyq is qozǵaldy, dep habarlaidy ult.kz.
Aldyn ala málimet boiynsha, kásiporyn aýmaǵyndaǵy káriz qudyǵynda elektr sorǵysyn jóndeý kezinde alty jumysshy qaza taýyp, taǵy bir adam zardap shekken.
Oblystyq jedel járdem stansasynyń habarlaýynsha, shaqyrtý 20 shilde kúni saǵat 12:01-de túsken. Oqiǵa ornyna jetken meditsina qyzmetkerleri 1963, 1975, 1983, 1998, 2006 jáne 2009 jyly týǵan alty er adamnyń oqiǵa ornynda kóz jumǵanyn anyqtaǵan.
1988 jyly týǵan taǵy bir jumysshy Aqtoǵai aýdandyq aýrýhanasyna jetkizildi. Dárigerler oǵan ortasha aýyrlyqtaǵy kómirqyshqyl gazymen ýlaný diagnozyn qoiǵan. Qazirgi ýaqytta naýqastyń jaǵdaiy turaqty, oǵan qajetti meditsinalyq kómek kórsetilýde. Oblys ortalyǵyna tasymaldaý qajet emes.
Pavlodar oblystyq politsiia departamenti atalǵan fakti boiynsha qylmystyq is qozǵalǵanyn málimdedi.
«Atalǵan fakti boiynsha qylmystyq is qozǵaldy. Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariia etýge jatpaidy», – dep habarlady vedomstvo.
Tergeý amaldary jalǵasyp, qaiǵyly oqiǵanyń naqty sebepteri men mán-jaiy anyqtalyp jatyr.
Eske salaiyq, buǵan deiin Jezqazǵanda qudyq ishindegi gazdan jumysshynyń qaza tapqany týraly habarlanǵan bolatyn.
