Jaǵdaidyń odan ári ýshyǵýy karantindi kúsheitýge jáne shekteý sharalardy qaita engizýge ákelýi múmkin. Bul týraly Pavlodar oblysynyń ákimi Ábilqaiyr Sqaqov aitty, dep habarlaidy "Ult aqparat".
«Oblystaǵy epidemiologiialyq jaǵdai kúrdelene tústi. Sońǵy aptada koronavirýsty juqtyrýdyń 112 jańa jaǵdaiy tirkeldi. Indetten qaitys bolǵandardyń sany 13-ke jetti. Bul aimaqtar arasyndaǵy eń joǵary kórsetkish, respýblika boiynsha ekinshi oryndamyz. Búgin men koronavirýsty aldyn alý máselesine arnalǵan aimaqtyq jedel shtabtyń otyrysyn ótkizdim. Onyń barysynda qalalar men aýdandardyń ákimderine, quqyq qorǵaý organdaryna, sondai-aq prokýratýra organdary úlestiretin baqylaý toptaryna birqatar tapsyrmalar berdim. Óńirde koronavirýspen kúresýdiń keshendi jospary qabyldandy jáne qazirgi jaǵdaiǵa qatysty barlyq pikirler eskerildi», dedi ákim jelidegi paraqshasynda.
Sondai-aq, ákim jaǵdaidyń odan ári ýshyǵýy karantindi kúsheitýge jáne shekteý sharalardy qaita engizýge ákelýi múmkin eskertti.
Buǵan deiin QR Úkimeti janyndaǵy Koronavirýs infektsiiasynyń taralýyna jol bermeý jónindegi vedomstvoaralyq komissiia otyrysynda ákimderge óńirlerdegi karantin sharalaryn kúsheitýdi qarastyrý tapsyrylǵan edi.
Qaraǵandy oblysynda karantindik sharalar qaita kúsheitildi. 13 maýsymnan bastap óńirdegi saýda-oiyn-saýyq ortalyqtary, azyq-túlik jáne azyq-túlik emes bazarlarda shekteýli ýaqytpen jumys istei bastady.
Al 14 maýsymnan bastap Jambyl oblysynda karantindik sharalar kúsheitildi jáne Kókshetaý qalasynda blokpostar qaita qoiyldy.
