Óńirdiń bas sanitarlyq dárigeriniń jańa qaýlysyna sáikes Pavlodar oblysynda qalaaralyq jáne aýdanaralyq baǵytta jolaýshylardy tasymaldaý toqtatylady, dep habarlaidy Ravlodarnews.kz.
Bul týraly Óńirlik kommýnikatsiialar qyzmeti onlain formatta ótkizgen baspasóz máslihatynda Pavlodar oblysy sanitariialyq-epidemiologiialyq baqylaý departamentiniń ókili Ǵizat Abeshev málim etti.
«Aqsý-Pavlodar baǵytyn qospaǵanda, oblys ishindegi qalaaralyq jáne aýdanaralyq avtobýs, shaǵyn avtobýs jolaýshylar tasymaly toqtatylady. Qoǵamdyq tamaqtaný oryndary tapsyrysty jetkizý nemese ózimen birge alyp ketý rejimine aýystyrylady. Saýda oryndary, taksiler men qoǵamdyq kólikterde sanitarlyq dezinfektsiia kúsheitiledi. Halyqqa qyzmet kórsetý ortalyqtary saǵat 9-dan 18.00-ge deiin aldyn ala jazylý arqyly qyzmet kórsetedi jáne senbi, jeksenbi, mereke kúnderi jumys kestesine tyiym salynady», - dep atap ótti Ǵizat Abeshev.
Departament ókiliniń aitýynsha, mundai shekteýler óńirdegi epidemologiialyq jaǵdaidyń nasharlaýyna jáne aýrý kórsetkishiniń artýyna bailanysty engizilip otyr.
«Búgingi tańda óńirde koronavirýs infektsiiasyn juqtyrǵan 226 jaǵdai tirkeldi. Onyń ishinde 172-si belgileri bar bolsa, 54-i belgileri joq. 12-si mektep oqýshysy men ekeýi - stýdent. Turǵyndar maska taǵý rejimin, áleýmettik qashyqtyqty saqtamaidy. Munyń barlyǵy jappai aýrýǵa ákeledi», - deidi Ǵizat Abeshev.
