Pavlodar oblysynyń Baianaýyl aýdanyndaǵy Uzynbulaq aýylynda bir otbasynyń tórt adamy iis tiip qaza boldy. Bul týraly aýdan ákimdigi málimdedi.
"Ysty gazdan ýlaný saldarynan Bekbatyrovtar otbasynan tórt adam – ata-anasy men 4 jáne 7 synyptarda oqityn eki bala qaza tapty", - dedi ákimdiktegiler.
Aldyn ala boljam boiynsha, ótken túni peshten aqaý shyqqan. Kúni boiy otbasynan eshqaisysy bailanysqa shyqpaǵan soń saǵat 21.00-de týystarynyń biri Bekbatyrovtardyń úiine baryp, esik ishinen jabyq turǵanyn kórgen. Er adam esikti buzyp kirgen kezde otbasy músheleri qimylsyz jatqan.
"Júktiliktiń jetinshi aiynda kóz jumǵan Natalia Bekbatyrovanyń eki qyzy sol kúni Baianaýyl aýylynda oqýda bolǵan, – deidi aýdan ákimi apparatynyń jetekshisi Qaiyrgeldi Abylǵazin. – Olar agrarlyq kolledjdiń 1 jáne 2 kýrs stýdentteri. Qazirgi tańda ustazdar men dárigerlerdiń baqylaýyna alynǵan. Balalardyń týǵan ákesi 2014 jyly aqpanda qaitys bolǵan".
Otbasy áleýmettik áljýaz topqa engen. Asyraýshysynan aiyrylǵan otbasy retinde ai saiyn 50 myń teńge tólengen.
Natalia Bekbatyrovanyń anasy men baýyry, ápkesi Uzynbulaq aýylynda turady, dep jazdy pavlodarnews.kz.
Er adam Qaraǵandy oblysy Osakarov aýdanynyń turǵyny. Shubarkól razrezinde vahtalyq ádispen jumys istegen.
