Pavlodar oblysynyń politseileri áieldi óltirgen er adamdy ustady, dep habarlaidy "Ult aqparat" Polisia.kz Telegram-arnasyna silteme jasap.
"17 qazan kúni saǵat 16.44-te Ekibastuz qalasynyń politsiiasyna "M.Júsip kóshesi, 68 úidiń janynda kilemnen adamnyń aiaǵy kórinedi" degen habarlama kelip tústi. Kelgen jedel-tergeý toby úidiń kireberisinde kilemge orap tastaǵan áieldiń máiitin tapty. Kilemniń joǵary jáne tómengi jaqtaryn symmen bailap tastaǵan. Áieldiń jansyz denesinde zorlyq-zombylyq belgileri bar ekeni anyqtaldy. Politsiia áieldiń jeke basyn anyqtady, ol Ekibastuz qalasynyń 38 jastaǵy turǵyny bolyp shyqty", - dedi Ekibastuz qalasy Politsiia basqarmasynyń bastyǵy Qaiyrjan Shaqarǵaliev.
Kisi óltirdi degen kúdik boiynsha jedel-izdestirý is-sharalaryn júrgizý barysynda Ekibastuz qalasynyń turǵyny, 1986 jyly týǵan er adam ustalǵan. Ol kinásin moiyndady. Qajetti saraptamalar taǵaiyndaldy.
Kisi óltirý faktisi boiynsha Qazaqstan Respýblikasy QK-niń 99-baby 1-bóligi boiynsha sotqa deiingi tergeý bastaldy. Kúdikti ÝUI-ǵa qamaldy.
