Pavlolar oblysynda demalys kúnderine lokdaýn engizildi. Bul týraly búgin Úkimet otyrysynda Pavlodar oblysynyń ákimi Ábilqaiyr Sqaqov aitty, dep habarlaidy "Ult aqparat".
«Ótken aptada Pavlodar oblysynda koronavirýs infektsiianyń 616 jaǵdaiy tirkeldi. Aýrýdyń ósýi 5,8 paiyzdy qurap otyr. Ótken táýlikte 150 jaǵdai tirkeldi. Bailanysta bolǵan 366 adam anyqtaldy. Epidemiologiialyq zertteýler júrgizilip, jańa oshaqtar oqshaýlandy. Óńirdiń densaýlyq júiesi shtattyq rejimde jumys isteidi. Infektsiialyq tósek-oryn júktemesi - 37,7 paiyz. Qazir 1 635 tósek-oryn, al rezervte taǵy da 2 myńnan astam oryn bar. Búginde reanimatsiiada 21 naýqas jatyr. Olardyń úsheýiniń jaǵdaiy aýyr. Oblys boiynsha 169 mobildi brigada jumys isteidi. Táýligine 2,5 myńnan astam PTR testileý júrgiziledi. Jaǵdai baqylaýda», - dedi ol.
Oblys basshysynyń aitýynsha, óńirdiń «qyzyl» aimaqqa kirýine bailanysty birqatar shekteý sharasy kúsheitildi. Demalys kúni lokdaýn engizildi. Demalys kúnderi azyq-túlik jáne azyq-túlik emes jabyq bazarlardyń, saýda oiyn-saýyq ortalyqtarynyń, SPA, saýna, sport nysandarynyń jáne sport keshenderiniń, fitnes ortalyqtarynyń qyzmeti, qoǵamdyq kólik qozǵalysy toqtatyldy. Qalaaralyq, aýdanaaralyq avtobýs, shaǵyn avtobýspen jolaýshylardy tasymaldaý shekteldi.
«Adamdar kóp jinalatyn oryndarǵa erekshe nazar aýdara otyryp, kúsheitilgen rejimde 176 monitoringilik top jumys isteidi. Barlyq meditsinalyq, áleýmettik mekemeler tolyq oqshaýlaýnyp, syrttan kelgen barlyq bailanystardy boldyrmaý arqyly táýliktik rejimge kóshti. Juqtyrý oshaqtardy jedel oqshaýlaý, bailanysta bolǵan adamdardy baqylaý úshin kovid-tik infektsiia jónindegi biryńǵai aqparattyq taldaý ortalyǵy jumys isteidi. Ortalyq barlyq mamandarmen qamtamasyz etilgen», - dedi Ábilqaiyr Sqaqov.
