Pavlodar oblysynda qatty jel men quiyn saldarynan Qonyrozek aýylynda birqatar turǵyn úige zaqym keldi, dep habarlaidy Ult.kz, Tengrinews.kz-ke silteme jasap.
Aldyn ala málimet boiynsha, tabiǵat qubylysy saldarynan jeke turǵyn úilerdiń shatyrlary ushyp, qorshaýlar búlingen, aǵashtar qulaǵan. Sondai-aq aýylda elektr jaryǵy ýaqytsha óshken.
Abyroi bolǵanda, oqiǵadan zardap shekkender men qaza tapqandar joq.
Qazirgi ýaqytta jergilikti ákimdik mamandary oqiǵa ornynda jumys júrgizip, kelgen shyǵyn kólemin anyqtap jatyr.
Aita keteiik, buǵan deiin Pavlodar qalasynda burshaq jaýyp, óńirde aýa raiynyń kúrt nasharlaǵany týraly habarlanǵan edi. Endi óńirdiń bir bóliginde quiyn men ekpindi jel tirkeldi.
