2019 jyldyń naýryz aiynan bastap ózge memleketterden óńirge qonys aýdarǵan 236 etnikalyq qazaq QR azamattyǵyn alǵan, dep habarlaidy pavlodarnews.kz.
Oblystyq politsiia departamenti kóshi-qon qyzmeti azamattyq jáne kóshi-qon tobynyń aǵa inspektory Gúlstan Batalovanyń aitýynsha, vedomstvoda 18 túrli memlekettik qyzmet kórsetiledi.
«Onyń ishinde shet el azamattary Qazaqstan Respýblikasynda turaqty turý, qujattardy tirkeý jáne Qazaqstannyń azamattyǵyn alý jóninde ótinishpen júginedi, - deidi Gúlstan Batalova.
«Biyl jyl basynan beri 1000-ǵa jýyq shet el azamatyna Qazaqstanda turaqty turý úshin ruqsat berildi. Olardyń basym bóligi 31 jeltoqsanǵa deiin ótetin «Merzimi ótip ketken oralman mártebesin uzartý» aktsiiasy aiasynda QR azamattyǵyn alyp úlgerdi. Oǵan bir kezderi oralman mártebesin alǵan, biraq belgili bir sebeptermen azamattyqty rásimdei almaǵan jáne osylaisha oralman mártebesi merzimi ótip ketken etnikalyq qazaqtar kiredi».
Aita keter jait, joǵaryda atalǵan azamattar qaladaǵy Astana kóshesi, 59 mekenjaiy boiynsha oralman mártebesin uzartyp, QR azamattaryn qabyldaýǵa qujattaryn ishki ister organdaryna jáne kóshi-qon qyzmetine tapsyra alady. QR keletin shet el azamattarynyń materialdary «V 8» kategoriiasy boiynsha qabyldansa, etnikalyq qazaqtar kez kelgen viza boiynsha turaqty turýǵa tapsyra alady. Qujattar tizimi QR IIM-men bekitilgen. Materialdardy qaraý merzimi – 60 kúntizbelik kún. Qyzmet kórsetý – tegin».
