QR Memlekettik shekarasynyń Pavlodar oblysynyń aýmaǵyndaǵy bóliginde 4 avtokólik ótkizý pýnktinde, azamattardyń el aýmaǵyna kelýine monitoring táýlik boiy júrgizilip keledi.
Bul týraly "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap habarlaidy.
Onda jariialanǵan málimetterge qaraǵanda, búgingi kúni 14 014 PTR-zertteý júrgizilip, COVID-19-dyń shetten ákelingen 108 jaǵdaiy tirkelgen.⠀
Shekteýler sharalary engizilgen sátten bastap Pavlodar oblysyna 52 133 adam (ortasha eseppen táýligine 150-400 adam), onyń ishinde 32 980 - halyqaralyq tasymaldardy júzege asyratyn júrgizýshiler jáne 19 153 jolaýshy kelgen.⠀
PTR-tekserý úshin karantindik statsionarlarǵa 1 915 QR azamaty ornalastyrylǵan. Anyqtamasyz kelgen 747 shetel azamattary shekaradan keri qaitaryldy.⠀
Sońǵy táýlikte shekaradan 303 adam ótti (118 jaiaý, 185 júk kóliginiń júrgizýshisi), karantindik statsionarǵa 5 qazaqstandyq ornalastyrylǵan.⠀
Bir táýlik ishinde «Úrlitóbe» beketinde COVID-19-dyń 3 rastalǵan jaǵdaiy (simptomsyz) anyqtaldy. Úsheýi de eki jaqty júk tasymaldaýdy júzege asyratyn júrgizýshiler. Ekeýi Pavlodar qalasynyń jáne bireýi Petropavl qalasynyń turǵyndary.
Sondai-aq, 2021 jyldyń 14 qańtarynda PTR taldaýynyń teris nátijesi kórsetilgen anyqtamasyz shekaradan ótpek bolǵan Ózbekstan azamatyna elge kirýine tyiym salyndy.
