Qazaqstandyq jáne reseilik mamandar yntymaqtastyq pen turaqty tájiribe almasý týraly onlain-konferentsiia barysynda pandemiiaǵa qarsy kúreste ózara birlesip áreket etýge kelisti, dep habarlaidy ravlodarnews.kz.
Oblystyq densaýlyq saqtaý basqarmasynyń málimdeýinshe, onlain-konferentsiiaǵa Novosibir oblysy Densaýlyq saqtaý ministriniń orynbasary Elena Aksenova jáne Pavlodar oblysy densaýlyq saqtaý basqarmasynyń basshysy Birjan Dosmaiylov, sondai-aq eki óńirdiń infektsionisteri, pýlmonologtary, reanimatologtary men sanitarlyq dárigerleri qatysty.
Onlain-konferentsiia barysynda Novosibir dárigerleri koronavirýs pandemiiasymen qalai kúresip jatqandary týraly aitty. Olardyń emdeý hattamalary qazaqstandyq mamandardyń emdeý hattamalaryna uqsas. Novosibir oblysynda da josparly meditsinalyq kómek kórsetý shektelgen, patsientter legi bólingen, úige shyǵý úshin brigadalar qurylǵan jáne kómekti barynsha úide kórsetýge tyrysady.
- Bizdiń reseilik áriptesterimiz óz problemalaryn jáne olardy sheshý joldaryn ortaǵa saldy, - deidi onlain-kezdesýge qatysqan Pavlodar oblysynyń shtattan tys bas reanimatology Inna Glovatskaia. - Olar tósek-oryndardy ottegi núktelerimen qamtamasyz etý týraly aitty. Novosibir oblysynda da ortalyqtandyrylǵan ottegi núkteleri joq jerlerde ottegi kontsentratorlary qoldanylady.
Pavlodarlyq dárigerler de koronavirýs infektsiiasymen, pnevmoniiamen jáne JRVI-men aýyratyndardy emdeýdegi óz tájiribelerimen bólisti. Eki oblystyń birinshi basshylarynyń kelisimimen uiymdastyrylǵan konferentsiianyń qorytyndysy boiynsha taraptar pandemiiaǵa qarsy kúreste ózara is-qimyl jasasý jáne shekara mańyndaǵy óńirlerdiń dárigerlerimen turaqty tájiribe almasyp turý jóninde kelisti.
Búgingi tańda Pavlodar oblysynyń emhanalarynda 93 mobildik brigada jumys isteidi. Olar shaqyrýlarǵa jedel shyǵý jáne úide sapaly meditsinalyq qyzmet kórsetý úshin barlyq qajetti qural-jabdyqpen qamtamasyz etilgen. Óńir boiynsha ottegi núkteleriniń sany ósýde, aidyń sońyna deiin onyń sanyn 600-ge jetkizý josparlanýda. Sondai-aq ottegi kontsentratorlarynyń sany belsendi túrde arttyrylýda.
