قازاقستاندىق جەنە رەسەيلٸك ماماندار ىنتىماقتاستىق پەن تۇراقتى تەجٸريبە الماسۋ تۋرالى ونلاين-كونفەرەنتسييا بارىسىندا پاندەميياعا قارسى كٷرەستە ٶزارا بٸرلەسٸپ ەرەكەت ەتۋگە كەلٸستٸ, دەپ حابارلايدى رavlodarnews.kz.
وبلىستىق دەنساۋلىق ساقتاۋ باسقارماسىنىڭ مەلٸمدەۋٸنشە, ونلاين-كونفەرەنتسيياعا نوۆوسٸبٸر وبلىسى دەنساۋلىق ساقتاۋ مينيسترٸنٸڭ ورىنباسارى ەلەنا اكسەنوۆا جەنە پاۆلودار وبلىسى دەنساۋلىق ساقتاۋ باسقارماسىنىڭ باسشىسى بٸرجان دوسمايىلوۆ, سونداي-اق ەكٸ ٶڭٸردٸڭ ينفەكتسيونيستەرٸ, پۋلمونولوگتارى, رەانيماتولوگتارى مەن سانيتارلىق دەرٸگەرلەرٸ قاتىستى.
ونلاين-كونفەرەنتسييا بارىسىندا نوۆوسٸبٸر دەرٸگەرلەرٸ كوروناۆيرۋس پاندەميياسىمەن قالاي كٷرەسٸپ جاتقاندارى تۋرالى ايتتى. ولاردىڭ ەمدەۋ حاتتامالارى قازاقستاندىق مامانداردىڭ ەمدەۋ حاتتامالارىنا ۇقساس. نوۆوسٸبٸر وبلىسىندا دا جوسپارلى مەديتسينالىق كٶمەك كٶرسەتۋ شەكتەلگەن, پاتسيەنتتەر لەگٸ بٶلٸنگەن, ٷيگە شىعۋ ٷشٸن بريگادالار قۇرىلعان جەنە كٶمەكتٸ بارىنشا ٷيدە كٶرسەتۋگە تىرىسادى.
- بٸزدٸڭ رەسەيلٸك ەرٸپتەستەرٸمٸز ٶز پروبلەمالارىن جەنە ولاردى شەشۋ جولدارىن ورتاعا سالدى, - دەيدٸ ونلاين-كەزدەسۋگە قاتىسقان پاۆلودار وبلىسىنىڭ شتاتتان تىس باس رەانيماتولوگى يننا گلوۆاتسكايا. - ولار تٶسەك-ورىنداردى وتتەگٸ نٷكتەلەرٸمەن قامتاماسىز ەتۋ تۋرالى ايتتى. نوۆوسٸبٸر وبلىسىندا دا ورتالىقتاندىرىلعان وتتەگٸ نٷكتەلەرٸ جوق جەرلەردە وتتەگٸ كونتسەنتراتورلارى قولدانىلادى.
پاۆلودارلىق دەرٸگەرلەر دە كوروناۆيرۋس ينفەكتسيياسىمەن, پنەۆمونييامەن جەنە جرۆي-مەن اۋىراتىنداردى ەمدەۋدەگٸ ٶز تەجٸريبەلەرٸمەن بٶلٸستٸ. ەكٸ وبلىستىڭ بٸرٸنشٸ باسشىلارىنىڭ كەلٸسٸمٸمەن ۇيىمداستىرىلعان كونفەرەنتسييانىڭ قورىتىندىسى بويىنشا تاراپتار پاندەميياعا قارسى كٷرەستە ٶزارا ٸس-قيمىل جاساسۋ جەنە شەكارا ماڭىنداعى ٶڭٸرلەردٸڭ دەرٸگەرلەرٸمەن تۇراقتى تەجٸريبە الماسىپ تۇرۋ جٶنٸندە كەلٸستٸ.
بٷگٸنگٸ تاڭدا پاۆلودار وبلىسىنىڭ ەمحانالارىندا 93 موبيلدٸك بريگادا جۇمىس ٸستەيدٸ. ولار شاقىرۋلارعا جەدەل شىعۋ جەنە ٷيدە ساپالى مەديتسينالىق قىزمەت كٶرسەتۋ ٷشٸن بارلىق قاجەتتٸ قۇرال-جابدىقپەن قامتاماسىز ەتٸلگەن. ٶڭٸر بويىنشا وتتەگٸ نٷكتەلەرٸنٸڭ سانى ٶسۋدە, ايدىڭ سوڭىنا دەيٸن ونىڭ سانىن 600-گە جەتكٸزۋ جوسپارلانۋدا. سونداي-اق وتتەگٸ كونتسەنتراتورلارىنىڭ سانى بەلسەندٸ تٷردە ارتتىرىلۋدا.
